黃凱芹紅館開唱　與周慧敏合唱新歌曝光

「情哥王子」黃凱芹（Chris）將於3月6日及7日假紅館舉行《黃凱芹40年來香港演唱會2026》，在今日（14號）的記者會上，播出由他親自作曲及填詞，及鄭丹瑞獨白、黃凱芹、周慧敏及前DJ余劍明合唱的全新歌曲《數十年後》。

Chris談到相隔4年再踏紅館，明言個唱特色就是不會唱別人的歌：「以往演唱會我都會唱吓人哋嘅歌，或者自己作畀人嘅歌，但今次作為紀念入行40周年嘅演唱會，係有特別意義，講真要喺我唔同階段，譬如寶麗金同飛圖年代，同埋之後自己出歌，其實要揀都好多歌選擇，所以唱自己歌都未必唱得晒。」

提到請得周慧敏及余劍明等合唱的新歌，問可會邀合唱好友擔任個唱嘉賓？他表明未成事就無謂開空頭支票，但合作卻有特別意義：「我以往演唱會都好少請嘉賓，但係我40年前喺電台出身，搵呢班舊同事一齊合唱係有特別意義，估唔到咁多年後大家都仲喺呢行發展，亦都喺唔同崗位，Vivian（周慧敏）歌影視都有工作，余劍明就係媽咪同人哋妻子，但同時亦有DJ，大家過住不同嘅幸福人生，做緊自己鍾意嘅工作。」至於講到最希望出席的嘉賓，他最想請恩師、前DJ鄧藹霖，他又謂：「佢教咗我好多咗嘢，係我恩師嚟，真係好希望佢可以參與到今次演唱會。」

而「玉女派掌門人」Vivian在社交網上載出席畫展開幕禮照片，還自爆多年秘密：「抱歉本人沒有預早告知大家，連朋友都沒有告知，因為有點社恐，只能專心完成今日的開幕禮，再慢慢寫個Post與大家分享。」

東網網站 : https://on.cc/東網Facebook專頁 : https://www.facebook.com/onccnews/