網上熱話｜尖沙咀居酒屋收「AI雞扒飯」外賣退款申請 東主憑兩點識穿
人工智能（AI）逐漸普及，很多人亦會利用AI製作圖片及影片，真假難分愈見容易中伏，也有人利用AI技術企圖詐騙。尖沙咀一間居酒屋東主於網上發文，表示於外賣平台收到客人發雞扒飯照片欲申請退款，幸她憑兩點識穿是AI生成改圖，斥「荒謬到我唔識嬲」、「騙徒手法層出不窮」。
該位於尖沙咀廣東道一間居酒屋的女老闆昨日於社交平台Threads網上發文，表示早前從Keeta外賣平台收到客人申請退款，原因是該客人表示下單點選的菜式是滑蛋吉列豬扒飯，惟收到外賣時卻是香煎雞扒飯，故此申請退款。
不過，當老闆收到平台退款通知時，發現客人附上的圖片與餐廳出品大相逕庭，旗下的香煎雞扒飯並非如圖片一樣，「我哋煎雞扒比兩塊，同埋唔係用哩(呢)隻盒」，幸她提出疑點申訴，最終「拎得返錢」。老闆直斥外賣客人做法「荒謬到我唔識嬲，覺得幾好笑」、「騙徒手法層出不窮」，並表示「直頭想報警話佢詐騙」，惟完成外賣後系統「會無晒嗰個人嘅地址同資料」，故難作出追究，目前已聯絡外賣平台惟暫未獲回應。
網民質疑：應該唔係第一次
不少網民認為此舉構成詐騙，建議報警或向平台反映，「應該唔係第一次，正常人都唔會咁做」、「可以告佢不誠實使用電腦，欺詐」、「咁都得…慣犯吧」、「洗唔洗咁乞兒改圖呃退款呀……而家D人真係好x痴線」。有網民慶幸老闆及時發現，「好彩要交相，你又有對」，也有網民慨嘆AI科技發達之下，已發展至「有圖都無真相嘅世代」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)
留言 21