前「超人」亨利卡維爾現身電影節騷「師奶」新髮型被網民狠批

憑DC超級英雄角色「超人」而爆紅的英國男星亨利卡維爾（Henry Cavill）自今年1月為人父之後因專心湊仔而甚少公開亮相，而前日（11日）他帶埋女友Natalie Viscuso出席意大利西西里島舉行的《第71屆陶爾米納電影節》，久未露面的亨利大騷新髮型。

穿上黑色禮服的亨利以長曲髮示人，照片曝光後即惹來大批網民熱烈討論。大部分網民均對亨利的新髮型報以劣評，有網民直言：「佢望落好可怕。。。真係好唔吸引。。。快剪頭髮😧」另有網民為他「解畫」:「個髮型係為部戲，但絕對唔襯佢。」亦有網民直言短髮look較好看。

與此同時，由導演James Gunn執導的《超人》（Superman）的新預告昨日曝光，取代亨利卡維爾飾演「超人」的David Corenswet於預告中有連場激戰，除了一拳打到敵人飛甩牙之外，更用「電眼」連環掃射敵人。而根據美國票房網站Fandango，《超人》預售反應強勁成為今年目前為止「首日票房預售最佳紀錄」。

東網網站 : https://on.cc/東網Facebook專頁 : https://www.facebook.com/onccnews/