Pokémon Go電車派對 世一鄭業楷、黎青龍齊「捉小精靈」
【獨媒報導】香港首次舉辦「Pokémon GO City Safari」大型活動，香港電車周六（7日）特意安排Pokémon Go主題派對電車，邀得「Pokémon World Championships 2024」世界冠軍鄭業楷（蝦皮）、曾贊助蝦皮參賽的世界肝病權威專家黎青龍，以及一眾玩家約30人一同登上電車「捉小精靈」。黎青龍指香港重視Pokémon Go屬好事，未來會繼續資助代表隊出賽，盼蝦皮可以「再贏、再贏」。
定位一度發生錯誤 Niantic補償延長3小時遊戲時間
香港電車周六下午4時舉辦Pokémon主題電車派對，由屈地街電車廠出發，途經中環、金鐘及灣仔電車路線，至銅鑼灣後再折返屈地街車廠，沿途不時有市民向他們揮手，黎青龍、蝦皮與一眾玩家，除了「捉小精靈」外亦分享遊戲心得，並和成功捕獲的小精靈及合照。電車駛到銅鑼灣總站時，不少Pokémon Go粉絲在場等候與他們合照。
不過活動昨有小插曲，主辦方Niantic Support昨午在社交平台X發文表示，香港遊戲發生GPS問題，致「Eevee Explorers: Hong Kong Timed Research」任務自動完成。為補償損失，Niantic向周六持票玩家延長3小時遊戲時間，由晚上6時改為9時完結。
「世一」小精靈訓練員蝦皮：最終目標好似張家朗咁樣成為世界冠軍
今次香港舉辦大型Pokémon Go活動，蝦皮指自己是學生，沒有能力購買機票往外地參與，「所以今次喺自己城市搞都係第一次參加呢類活動，希望呢個係一個好開始，香港都會陸續有更加多唔同類型Pokémon活動，咁就可以令到世界各地嘅朋友嚟，同我一齊玩。」
他指本港今次活動性質輕鬆，雖然設有6個區域，但無需要全部前往，「可以揀一個近你自己嘅地方，可能可以同朋友一齊喺個地方玩，好Chill咁輕鬆渡過一個下晝。蝦皮指，訓練員要把握時間捉限定小精靈，電車亦是較容易及方便的交通工具，速度相比巴士及小巴慢，有足夠時間。他在電車上成功捕捉「花舞鳥」、「未知圖騰K」及「坐騎小羊」，周日則會到尖沙咀教學及宣傳對戰。
提到獲「Pokémon World Championships 2024」世界冠軍，蝦皮表示非常高興及難以置信，過往不少人贊助他出賽，「輸咗覺得好對唔住佢哋，所以今次贏咗都算係對佢哋，一直以嚟咁支持我嘅感謝。」他如今要追回學業進度，專心備戰DSE，感激領隊Sam及黎青龍教授幫助，「無佢哋嘅支持一定唔會去參加到世界級比賽，更加無可能贏。」他未來希望再可以代表香港出賽，「最終目標好似張家朗咁樣成為世界冠軍」。
黎青龍指會繼續資助出賽 盼蝦皮再贏
黎青龍本身亦是Pokémon玩家，指自己一周約花10小時遊玩，今日成功捕捉兩隻新小精靈。他稱香港開始重視Pokémon Go是好事，希望蝦皮將來可以「再贏、再贏，不過最衰一年得一個人（出賽）。」黎青龍亦會繼續資助他們出賽，「如果資助一萬蚊咁威水，緊係開心啦，一萬蚊唔係少，亦都唔係好多。」
領隊Sam：有信心可再獲獎
Pokémon Go香港代表隊領隊Sam望蝦皮來年世界賽再獲冠軍，長期目標「好似（網球運動員）費達拿、拿度個啲咁樣打十幾年，年年都攞好多比賽獎盃」，「佢真係好勁」。
他大讚蝦皮「乖到不得之了」，亦聽教聽話，指今年獲香港公司「H-Plus」贊助百變怪公仔，對於其實只要求蝦皮比賽時手持公仔，「佢由頭拎到落尾，由上機拎到落機無呃你，比賽期間都拎住佢。」
留言 3