港女｜怒數男友「無車」罪行！呻「男人無車好失敗」：真係好廢！

更新於 2021年12月24日15:26 • 發布於 2021年12月24日23:20

港女｜香港雖然就話「國際之都」，不過喺交通方面真係數唔上一等一，因為隨時閒閒地出街、返工，剩係坐車一程經已要1~2小時，所以女生唔少人都希望另一半「有車」，令出入更方便。不過估唔到日前就有港女，喺網上力數男友不是，更直言「男人無車好失敗」！到底係咩一回事？即刻睇睇！

撰文：海月｜圖片來源：香港討論區｜編輯：odin

香港雖然就話「國際之都」，不過喺交通方面真係數唔上一等一，因為隨時閒閒地出街、返工，剩係坐車一程經已要1~2小時，所以女生唔少人都希望另一半「有車」，令出入更方便。

（圖片來源：頭文字D）

不過日前就有一名港女因為落雨問題，喺網上大力控訴男友不是，更直言男友「真係好廢」。原來因為香港近日大雨連連，港女覺得每日出門要帶雨傘十分麻煩。而每次同男朋友出街都會濕晒。

（圖片來源：天若有情）

港女表示男友之前經已話會去買車，不過直到現時仲未實行，令自己每次落雨出街都十分狼狽，特別係迫巴士、地鐵時。港女更表示見到其他女性朋友另一半都會「車出車入」：「真係好鬼羨慕人哋男朋友咁好」，直言男朋友「真係好廢」。

（圖片來源：天若有情）

不過有見及此，唔少網民都紛紛覺得事主的確夠「港女」，更表示如此男友成功買到車後，應該都會同其他人男朋友嘅車比較，令自己男友跌入「無盡比較深淵」。

（圖片來源：香港討論區）

更有網民直港女不如換男朋友會比較快，只要成功換一個「有車有樓」成功人士就唔使捱了！亦有網民表示「買車容易，養車難」，比一般交通消費更高，港女真係對相關知識可謂「無知」。

（圖片來源：香港討論區）

落雨天先覺得男友冇車真係好廢
最近喺咁落雨每次同男友出街都濕哂
佢之前講咗好耐要買車買車講咗好耐都未買
結果同親佢出街撞到落雨都搞到成身濕哂
然後拎住把濕遮迫巴士地鐵真係好鬼死狼狽
睇住其他人有男朋友車出車入落雨冇戴遮都唔驚
真係好鬼羨慕人地男朋友咁好
更加顯得我男朋友真係好廢永遠得把口!!!

（圖片來源：香港討論區）

沒有人
港女⋯⋯幾時先醒？照下塊鏡先啦！
2021年12月25日13:06
迪
你老豆有冇車？如果冇既話成世人係未好失敗
2021年12月26日01:33
咩質素嘅人就會有咩質素嘅另一半。
2021年12月26日01:23
Kan kan
我本來都有養車，但一年之後發覺好無謂。車位油燕梳呢啲錢銀嘢都算，我最憎就係搵車位泊車，真係好煩。的人開車又無品，火都嚟。最後都係揀返巴士地鐵，落咗車就唔使理，仲蕭灑。如果條女咁想有車渣，可以自己養，男女平等，唔好喺我面前阿之阿左。
2021年12月26日13:03
Kan kan
香港雖然就話「國際之都」，不過喺交通方面真係數唔上一等一？記者有冇去過倫敦嘅地鐵？細、窄無空調，焗。紐約嘅地鐵仲污糟過深水埗嘅公廁，一浸屎味。日本嘅鐵路系統係好完整，亦好乾淨，但巴士系統就唔算方便，好都時都要返到火車站前嘅總站，先可以轉到車。有幾多城市好似香港咁，可以鐵路巴士小巴互相配合去到四通八達？
2021年12月26日12:45