【LINE你睇】港媽欠圖書館罰款12年終還$99可再借書

發布於 04月21日14:53

「公共圖書館逾期圖書12年先還錢，今次真係贏咗99%香港人！」一名港媽在網上社交平台Threads自爆近日到公共圖書館時，意外發現自己竟欠下逾期12年的罰款，最終近日才還款$99。

有人好奇為甚麼12年只罰$99，留言詢問：「99蚊封頂？」事主回覆解釋道：「因為當年見到有本書喺屋企無還就求其放落去圖書館還書箱，12年後借唔到書先還錢。」所以事主借閱的圖書其實早已歸還，只是罰款未清，而圖書館亦不會收取欠款利息，所以$99就積欠至12年後。

事主呼籲：「大家唔好學」，同時引出不少網民分享經驗，有人更表示自己欠款22年，贏了事主的12年，「我係嗰1%，上兩個月終於還咗，22年…..無記錯封頂價係 $130，再加本書嘅錢，最終用 $200 開啟返我張圖書證。」但另外有網民就沒有那麼幸運，表示自己只是欠圖書館數元，就已被入稟小額錢債審裁處追討。

根據公共圖書館網站，逾期罰款為每項成人資料每日1.5元，最高收費為130元。

圖片來源：網上圖片

【LINE你睇】每日精選網絡熱話，源源送上新鮮事，LINE你睇唔驚冇話題。