網民分享旅行蝦碌事件 | 「一人一個錯過飛機班次嘅經歷」 5類大懵旅人！

航班延誤大家就聽得多，自己大頭蝦趕唔切上飛機又有冇試過？網民就在討論區以「一人一個miss咗飛機班次嘅經歷」為題，討論一下大家錯過咗飛機嘅經歷。不過飛機唔等人，大家買機票嗰刻，記住望清楚航班資料，出發當日早兩個鐘到機場，如果唔係，延誤咗行程就唔好啦！

撰文：JB | 圖片來源：LIHKG、新傳媒資料庫、電影劇照

網民分享 錯過飛機班次經歷！

1.身體不適

去旅行期間生病一定是最掃興的事，不過在未上機入閘前，就開始肚痛、頭暈、作嘔，最後仲錯過埋check-in或者上機時間，就一定係「慘上加慘」喇！

2.記錯出發日期

記住！買機票時要睇清楚出發日期、時間，出發前都要再double check！

試幻想下，本來滿心期待地拿著護照去櫃枱check-in，但地勤就同你講：「先生，你班機尋日飛走咗喇！」心情馬上跌落谷底，仲想搵窿捐……

3.冒失旅伴

同成班朋友一起去旅行係一件好開心嘅事，但如果遇著啲冇時間觀念的旅伴就會非常傷腦筋。

無論自己有幾小心謹慎都好，總會被他/她拖累，輕則搭錯車、去錯景點，重則就是遺失護照、錯過飛機！

4.瞓過龍

睡眠對於香港人嚟講，真係好重要，但瞓還瞓，特別係搭早機嘅朋友，記住校多個鬧鐘以備不時之需，上咗機再慢慢瞓啦！

5.遲到

飛機唔等人，遲到真係唔可以怨航空公司，只可以怪自己……