拜仁1:2負奧格斯堡 今季德甲第一場敗仗

球壇最update

🚨根據圖片報消息，拜仁今季無德甲表現近乎完美，拜仁係頭18場德甲比賽拎到16勝2和成績，估唔到上場主場1:2輸比奧格斯堡。而係比賽之後，拜仁球員係更衣室無發生爭執，但情緒情緒低落，要等到比賽完咗之後半個鐘，球員陸續先至由更衣室行返出嚟🙃

💬教練甘賓尼接受訪問就到球隊情況「球隊最近要係13日入面要踢5場比賽，如果球隊出現問題，往往就會係呢個時期。我覺得我哋已經盡咗力，下半場我哋無足夠能量，咁樣俾到奧格斯堡製造威脅😶。」

🤝🏻甘賓尼被記者問到不敗球季係咪曾經係拜仁今季目標「我依家係教練，我更加希望球員得到呢啲成就。我個人已經經歷過好多，但所有榮譽都係屬於球員。對我嚟講，球隊無「不敗球季」係完全可以接受，最緊要要贏更多比賽、獎盃同埋冠軍，所以球隊將會繼續努力💪🏻。」
🎯拜仁嚟緊將會迎接兩場作客比賽，分別要作客PSV燕豪芬上演最後一輪歐聯聯賽階段比賽，之後就要返去德國迎接對住漢堡德甲比賽🏟️

▼Follow足球仁
Instagram: https://www.instagram.com/football_yern/