《執法者們》破3億播放量 馬國明盼拍續集 黃宗澤建議吳卓羲林峯參演

劇集《執法者們》自播出以來得到觀眾熱捧，昨日在內地已突破3億播放量，眾演員感激觀眾支持，馬國明盼開拍續集，讓3大男神再次合體，創收視奇蹟。

集合黃宗澤（Bosco）、馬國明與陳豪（阿Mo）主演的《執法者們》，劇情已進入結局篇，劇情緊湊令觀眾肉緊，馬國明見證播放量不斷上升，感到振奮：「好多謝觀眾咁鍾意呢個劇，好希望公司可以原班人馬再開續集，同埋咁好嘅劇，希望香港盡快播出。」

Bosco認同3人合作確實有效果，但他有新建議：「希望樂小姐（樂易玲）捉埋吳卓羲同林峯，5個一齊更加好玩，但我相信都冇乜可能，如果真係開續集，我希望打戲可以分勻啲，馬明要打、阿Mo（陳豪）又要打，唔好集中我一個。」

阿Mo感謝觀眾對劇集支持，好幸運能參與這次製作，他說：「我都好期待拍續集，畢竟第一次合作就能夠得到好成績，亦希望好成績可以延續落去。」

身為女主角的蔡潔，劇中被大奸角林嘉華槍殺身亡，將劇情推上高峰，蔡潔說：「近日好多粉絲話好希望我個角色何天茹可以復活，我叫大家集氣到3億播放量啦，可能都會再見到佢，估唔到咁快就3億，好開心，劇情好快就大結局，大家睇下會唔會願望成真。」

（即時娛樂）