黃又南考獲的士紅Van巴士牌　「應該係擁有最多車牌香港藝人」

黃又南日前（11月2日）42歲生日，他在社交平台發帖文，透露近年愈來愈少演戲機會，而為自己興趣和自家經營的YouTube頻道，他考了多個牌照，的士、紅Van及巴士，更曾做過「真巴士車長」，開巴士接載乘客。又南直言：「我估我應該係擁有最多不同種類車牌的香港藝人」，不過他最熱愛的依然是表演。

黃又南在社交平台出帖文寫道：「話咁快，又大一歲。近年大環境不太好，在行業咁多年，都冇見過咁少電影開拍，但我依然始終如一，很喜歡演戲及表演工作。非常感恩，過去一年也有機會參與了一些電影及電視的演出，那怕戲份不算太多，但我都會好好珍惜每一個鏡頭的。」

「我有份經營的YT channel — #暴走Joke @runawayjoke 也愈嚟愈多人關注，除咗為了自己的興趣，也為增加每條片的吸引力，我挑戰自己考了多個牌照，的士、紅Van及巴士（有牌為證）也首次落場挑戰賽車，我真係乜都敢試㗎。我估我應該係擁有最多不同種類車牌的香港藝人，但問心，我最熱愛的依然是表演，所以有適合的角色或者角色需要開不同嘅車，記得搵我啦！總之，希望自己和大家都充充實實過好每一天，身體健康，平平安安！」