夫婦不孕點處理？「6呎吳彥祖」港男被同事問借種生仔 網友問：借咗駛唔駛還？

都市人壓力大，不論男女都可能面臨不孕問題。有港男便宣稱，自己被同事詢問可不可以「借種生仔」，還提出$10萬作為條件，認為對方可能睇中自己條件優厚。唔少網友都回應一句：「睇醫生啦！」確實，不論對於不孕的同事，抑或港男本身，借種這件事都可能需要睇睇醫生。另外，如何借、借咗駛唔駛還等問題，都引發唔少網友的好奇心。

撰文：Yin｜圖片來源：香港討論區截圖、TVB劇集《BB來了》劇照、IG@thatdanielwu

有港男日前在香港討論區發帖，宣稱「同事想問我借種生子……借唔借好？」。港男報稱，想借種的是一對夫妻檔同事，希望可以生BB，但經過3、4年，仍然未有成果。

港男向同事借種可獲$10萬報酬

港男表示，同事夫妻曾經找醫生檢查，發現係男方問題，因為精蟲數量太少。他續指，同事有一晚約他食晚飯，便開口問他借種，代價係成事後畀$10萬報酬，還會認這名「生父」做契爺，過年過節都會拜候他。

港男直言，自己條件優厚，包括生得高大靚仔，學歷又高，既有6呎身高、碩士學歷，而且樣貌似影星吳彥祖。不過，他強調，借種這件事令他很苦惱，不知道借唔借好。

網友質疑借種說法 「睇AV睇上腦?」

雖然不孕問題困擾很多夫婦，但在21世紀已經有很多方法應對，仍然打算「借種」的說法本身就已經相當匪夷所思。因此，港男樓主的帖子很快就惹來網友揶揄，係咪「睇AV睇上腦？」，又嘲笑港男樓主智力有問題，或可能有妄想症的精神病。

而港男樓主自言條件優厚，兼且高學歷，仍然要上討論區尋求網友意見，這件事本身已經令可信度大打折扣。

網友關注點樣還 「借精還精?」

有網友不執著於追究港男樓主的說法是真是假，反而是著眼於如何借、如何還，開玩笑說：「借定唔借，還得到至好借。」有網友則笑說，如果可以跟女方「直接交手」，便可以考慮，否則都係叫同事去尋求家庭機構幫助。亦有人說，如果生出來是低能，是「冇得退貨」。

網友正經回答 在香港處理可能有問題

除了這些開玩笑，也有部分網友是正經回答的，並指出當中可能存在的問題，例如捐精者身份理應需要保密，就算暫時撇開法律問題，借種方法都是很麻煩，如果是網友開玩笑的「直接交手」，日後怎樣面對跟同事的關係。其實不只與同事關係，港男樓主日後有了自己的家庭，如何面對這個「借種」所生的小孩、以及如何向自己家庭交代，都會構成重重難題，絕對係唔借好過借。