莊拿芬達亞：期待為德國出戰及取得成功

🗣️拜仁中堅莊拿芬達亞最近接受德國天空體育訪問講到教練身上學到咩野、球隊最近幾個星期防守問題、球隊氣氛、球隊目標等話題:

1️⃣請問你係甘賓尼身上學到咩野?「我學到好多細節，尤其係點樣係球場上進行溝通。甘賓尼希望我可以咁樣做，並且強調溝通重要性。有效溝通可以幫到我哋控制比賽節奏，當球隊進行防守嗰陣，就好似幾時向前壓迫先至係最好時機，而甘賓尼教我哋溝通方法的確係球場上發揮重要作用🫡。」

2️⃣同烏柏美簡奴、金玟哉同埋其他中堅配合:
「我哋呢一組人真係幾特別，因為每個人都有各自獨特優點，呢樣都幾重要，因為大家都可以互相分享學習。我哋都想變得更好同埋可以成長。而且我哋仲有一位曾經踢過中堅嘅教練，所以所有野都感覺好好😌。」

3️⃣講到拜仁最近幾個星期防守出現漏洞:
「無錯，我哋最近有唔少失波，尤其係比賽進行嗰陣，球隊防守仍然出現問題，我哋需要繼續努力改善。不過，我唔覺得我哋依家狀態好差，只係其他球隊調整緊戰術，嘗試用唔同方法對抗我哹，因為佢哋已經有時間留意我哋踢法。我哋都需要調整下，亦都相信好快就可以解決問題💪🏻。」

4️⃣講到球隊氣氛同埋團隊合作:
「球隊內部氣氛非常積極，唔單止係球員，就連教練團隊成員同埋所有相關人員都會一齊努力，目標只有一個，就係最後嘅成功。我哋講求團結合作，而呢種氣氛充滿樂趣同埋熱情。正正就係所有野加埋一齊，我哋先至有機會取得成功😉。」

5️⃣講到球隊有冇係更衣室討論三冠王目標:
「成功同贏獎盃都係我哋會留意嘅話題，每次訓練，每個大型定小型比賽，我哋都希望可以贏到，所以，我哋都會去爭大獎盃。雖然我哋今季表現幾好，但我哋無明確成為三冠王，大家都知道我哋有能力擊敗每個對手，但最後可唔可以得到呢啲獎盃，我哋都要睇下結果點樣，但我相信今季對我哋嚟講所有野都有機會發生😎。」

▼Follow足球仁
Instagram: https://www.instagram.com/football_yern/