陳嘉寶狠心剪及腰長髮　自爆唔慣後頸涼浸浸

藝人陳嘉寶留了長頭髮多年，但打理長髮相當麻煩，近日決定引剪一快變成短髮。變髮後她情緒相當高漲，對新髮型感到開心又滿意，笑言短髮慳好多洗髮水和護髮素，也節省洗頭、吹頭時間，但感到頸部涼浸浸就相當不習慣，她在社交網說：「本來最擔心係每日起身嘅時候，個頭變咗UFO（我啲頭髮比較野性） ，然後朝朝要洗頭會勁煩…但佢冇呃我，剪短後我每朝起身個頭後面唔知點解都可以維持一個好完整同埋蓬鬆嘅弧度。除非前一晚我勁反瞓，喺度捽個枕頭…但就算係都係噴兩下水，用風筒揚兩下搞掂，唔使兩分鐘。」

陳嘉寶指就算在髮型屋，也很少人會將長度及腰的秀髮一次過剪到那麼短，故剪髮後也獲得其他客人掌聲鼓勵，讚賞勇氣可加，她說：「根據我喺salon搵唔同人傾偈做嘅調查，及腰咁長嘅頭髮剪到咁短嘅客人，一年都冇一個… I feel so special。」但她也可惜因之前有漂染過頭髮，故長髮未能捐去幫有需要人士。

東網網站 : https://on.cc/東網Facebook專頁 : https://www.facebook.com/onccnews/