爆炸婚照被批破壞環境　Tyson親回暗笑唔用腦

現年30歲的 Tyson Yoshi（程浚彥）上月與女友Christy簽字註冊。昨晚（7月7日）完成三場啟德演唱會後，即現身機場，出發前往意大利與太太Christy舉行婚禮。他亦於社交平台分享一輯「超爆」婚紗照，同時公開拍攝花絮影片，引起網民熱議。

婚紗照中，Tyson 穿上黑色西裝與身穿白色魚尾婚紗的Christy，站在草地，背後是爆炸的熊熊烈火，極為震撼。

而花絮片段中可見，Tyson與Christy站在綠油油的草地上，身後是一排密密麻麻的高樹，然後突然爆出幾層樓高的火焰，濃煙四起。從片段可見，二人最少拍了9次爆炸畫面。Tyson寫道：「俾大家睇吓上年影嘅婚紗相 多謝老婆陪我癲🤣」。多位好友留言，大讚夠「轟烈」，網民大讚「愛到爆🔥」、「好狂！」、「好型😍😍😍」。阿Sa蔡卓妍更以五個星星眼emoji回應：「🤩🤩🤩🤩🤩」。

但亦有人批評有關安排對生態環境構成影響。有網民留言：「第10張，我見到燒着咗隻雀仔🥺以後唔好再玩火啦🥲」、「我只見到破壞環境同傷害郊野昆蟲同小動物。所謂靚同型完全睇唔到。請尊重生命，植物、昆蟲、小動物都係生命」、「咪嚇親D小動物 / 鳥類。。。」、「我見到幾隻雀嚇到飛咗出嚟」、「我諗到空氣污染」。

其中有網民留言：「結婚者(啫)，走去破壞大自然…」，獲 Tyson留言回應：「有個裝置 個底係一個大鐵盤 向上噴火 同埋噴啲麵粉出嚟 唔係火消草地😂🧠?」Tyson以笑哈哈、腦袋及問號emoji作結，被指暗指網民不用腦。