姚焯菲蔡愷穎孖公仔演音樂劇　期待有機會出合唱歌

「聲夢小公主」姚焯菲（Chantel）因音樂劇《三．八》跟連詩雅、海兒、女圑COLLAR成員陳泳伽（Winka）及MIRROR成員Tiger（邱傲然）成為好友外，其實跟同屆的無綫歌唱選秀節目《聲夢傳奇》的蔡愷穎（Lolita）關係更密切，經常以「孖公仔」姿態示人。

Lolita接受訪問時還表示跟Chantel在參加《聲》已是閨蜜，不過正式拍檔演出音樂劇還是第一次。問到和Chantel之間的趣事，她大讚好友喜好：「原來佢比我想像中更鍾意食零食，但佢唔係樣樣都食，佢好鍾意食餅，最記得喺演音樂劇時，我本身係節食緊，但佢成日食餅，搞到我跟住食，打斷咗我個168減身計劃，不過好成日要排舞，運動量好大，所以我都冇乜點肥到。」

對於網民指她和Chantel撞樣，她直言連音樂劇導演詹瑞文亦有同感：「詹Sir都有講過，可能因為我哋本身係《聲夢》歌手，加上本身都Friend，去到一個完全陌生嘅環境就會黐埋一齊。記得開頭做啲Exercise嘅時候，佢都話覺得我哋似兩姐妹，可能我哋兩個都係有妹妹，所以有相似嘅地方，都係好想去Take Care人。」問到可期待和Chantel合唱？Lolita坦言期待機會中，覺得可合唱小清新或甜美路線的歌曲，又謂：「雖然今次喺音樂劇度，未有機會同Chantel合唱，但私底下有Jam歌，我已經好開心架啦。」

東網網站 : https://on.cc/東網Facebook專頁 : https://www.facebook.com/onccnews/