林子祥開騷過生日　獲群星祝賀

殿堂級歌手林子祥（阿Lam）和葉蒨文（沙麗），今晚（12日）假紅館舉行第4場演唱會，亦是阿Lam的78歲正日生日，兒子林德信一家三口到賀外，女兒林德懿（April）更專程從美國回港，還有「歌神」陳奕迅捧場陪過生日，台上沙麗唱完《零時十分》歌詞「拿着兩杯暖的香檳說」後，就問台下觀眾：「今日有冇人生日呀？我好似識咗一個人生日呀。」之後指一指身邊的老公說：「係你？！」再攬住阿Lam話：「係你生日，都冇人肯認係佢生日呀，你有冇試過喺生日入面有咁鬼多人一齊唱生日快樂歌畀你聽。」阿Lam就說：「隻歌就好孤獨，自己一個人過生日。」沙麗隨即發起萬人大合唱生日歌，之後林德信一家三口在推住生日蛋糕車的工作人員陪同下出現，孫女林明錫了爺爺一啖，再到阿Lam女兒上台和爸爸緊緊抱抱，沙麗介紹April時更一度哽咽。

沙麗表示一家人在台上慶生是最大的Surprise，阿Lam卻笑言：「最大嘅Surprise就係放假，我唔使唱歌。」沙麗安排一家人齊合唱唱歌，她說：「我哋係有安排，只係呢個『林老』唔知啫。」此外，還有群星賀阿Lam，包括有郭富城、楊千嬅、李克勤、古巨基、容祖兒、胡夏、許冠傑、洪金寶、張艾嘉、林丹、單依純、導演賈樟柯、曾比特，還有戴了眼罩的「獨眼龍」炎明熹拍片祝賀壽星Lam。

東網網站 : https://on.cc/東網Facebook專頁 : https://www.facebook.com/onccnews/