張晉「死過翻生」暴瘦現身香港　面青唇白削過蔡少芬

武打巨星張晉最近自爆於今年4月時突然心臟病發，太太蔡少芬同3名仔女僅於10多米以外位置，惟張晉心臟突然感到一股疼痛、呼吸困難、渾身出冷汗，無法嗌蔡少芬。最後佢憑超強求生意志避過一劫，回港後即刻候接受了心臟支架植入手術。「死過翻生」嘅佢，近日被網友發現現身香港，張晉不但暴瘦，更係面青口唇白，真實狀態令人擔心。

張晉精神委靡同蔡少芬過馬路，同行仲有一位綠衫中年女子。身穿黑色卡通人物上衣嘅蔡少芬，精神容光煥發，紮起馬尾顯得年輕。佢同友人行前有講有笑，而張晉就一言不發跟喺老婆身後，張晉全黑打扮同佢面色對照下，顯得更加蒼白，加上步履蹣跚及駝背，精神真係麻麻。佢雙眼無神采、面青青，面頰凹陷，再加上消瘦身形，實在令人憂心其健康狀況。

東網網站 : https://on.cc/東網Facebook專頁 : https://www.facebook.com/onccnews/