日式居酒屋｜親民價！Omakase $288食到11品！單件壽司最平$16件+多款串燒小食即叫即整 – 海遊膳 KAIYUZEN

呢間位於太古新登場的日式居酒屋，以親民價格提供超過40款壽司同20款時令刺身，最平$16/件，性價比爆表。如果坐壽司吧檯仲欣賞到師傅即席製作、享受逐件呈獻的儀式感。唔想諗仲有Omakase，$288-$498，11至16品，含沙律、茶碗蒸、刺身等。另外推介招牌3件壽司組合而成的「遊·壽司」，帆立貝三層、赤蝦三層同牡丹蝦三層，一次試晒北海道海膽、帆立貝、三文魚籽等所有正野，奢華到飛起！仲有炭火串燒和小食好似，雞皮紫蘇蝦卷外脆內嫩、燒牛舌芯粒三味松葉蟹肉梅子素麵等。親民價荷包唔洗大出血！

▲Omakase套餐$288-$498，提供11至16道菜，包括沙律、茶碗蒸、刺身等。

▲遊・壽司盛($258)：以招牌壽司組合而成，帆立貝三層（北海道海膽、帆立貝、三文魚籽）、赤蝦三層（北海道海膽、原隻赤蝦醬油漬、碎吞拿魚腩），及牡丹蝦三層
（北海道牡丹蝦、燒蝦膏、黑魚子）。件件都鮮味十足。

▲阿波尾酢橘雞腎串($54岩鹽燒醬油)：粒粒爽脆彈牙，嚼勁十足。

▲雞皮紫蘇蝦卷($48日式照燒醬)：外脆內嫩，蝦肉結合紫蘇香氣，口感鮮爽。

▲燒牛舌芯粒三味($138)：牛舌芯烤至表皮微焦，內裏粉嫩多汁，配洋蔥絲與京蔥絲。另配淡雪鹽、檸檬鹽燒醬及和風紫蘇大根醬，提升味道層次。

▲松葉蟹肉梅子素麵($68)：鰹魚湯底配梅子醬汁，酸甜清爽，青檸提升蟹肉鮮甜。食用時橫拉筷子，素麵浸入湯汁，食得又玩得。

海遊膳 KAIYUZEN

地址：太古太豐路3號金星閣地下G1018號店
電話：23430328
營業時間：12:00-22:00

文字：香港人遊香港