拜仁中場甘美治：我職業生涯合作過最好嘅球員就係阿拉巴

球壇最update

🚨根據踢球者消息，拜仁中場甘美治將會缺席拜仁對禾夫斯堡同埋科隆2036年頭兩場德甲比賽，甘美治自從11月份國際比賽日之後一直受到足踝問題困擾，而之前亦都缺席對住海登咸嘅德甲比賽。拜仁唔想冒任何風險，希望甘美治覺得無咩痛楚先至會正式復出😉

💬甘美治之前出席拜仁球迷活動被問到日常生活「通常朝早6點半，我嘅屋企人都會陸續起身。首先，我會送最大嘅小朋友搭校車，之後將其他小朋友送去幼兒園，然後就會去拜仁訓練中心。我哋每日會進行兩個至兩個半鐘正式訓練，當中有一個至一個半鐘團隊訓練，其實就無其他人想像有咁多時間訓練🙂。」

🤝🏻呢位德國🇩🇪球員之後被問到合作過嘅最好球員「我覺得列貝利非常出色，無論佢嘅技術定係心態。如果以天賦嚟講，咁就係泰亞高，因為佢幾乎咩都識。如果綜合所有因素，我會揀阿拉巴。無論作為球員定係一個人，佢嘅心態同人品都非常好。阿拉巴唔單止係場上有穩定表現，佢係更衣室同樣重要，同每個人都相處融洽同埋會幫助隊友🙂。」

▼Follow足球仁
Instagram: https://www.instagram.com/football_yern/