Gin Lee神速4小時完成新作　獲王嘉爾御用K-pop猛人操刀

歌后李幸倪(Gin Lee)於樂壇派發第一張成績表（《新城勁爆頒獎禮2025》）中大豐收，今日乘勝推出全新跳唱作品《ICONIC》，此歌正是她2月殺入紅館的演唱會主題曲，新歌由韓國Kpop猛人操刀、王嘉爾的御用監製Boytoy作曲兼監製，填詞林寶，將Gin Lee的舞台爆炸力再推高幾級。

Gin Lee表示「第一次喺韓國錄音，上一次《Dum Dum》同Boytoy係隔空合作，今次可以親身嚟同佢一齊錄音。我冇概念，唔知道喺韓國錄音係一個點樣嘅情況，所以係同大家一齊適應呢個雞同鴨講嘅環節，期待又緊張嘅。」除此之外，Gin Lee坦言今次錄音最大難關是廣東話:「因為首歌唔係用廣東話思維去寫，林寶已經寫得好好，但要將所有廣東字聲調擺入個旋律度，真係要花啲心機。」

廣東話的歌詞中，亦加上了一段英文歌詞，Gin Lee笑說自己女團魂出沒，「變女團呀我依家，好似18歲啦啦隊嗰種感覺，我平時聽開K-pop同Beyoncé都有呢種元素。呢首算係我第一首咁風格嘅歌，幾正㗎!大家可以見到我另外一面。」監製Boytoy亦大讚Gin錄音神速，「錄得超級快，被嚇到！」Gin聽到後亦不客氣笑住認威，「我為港爭光呀！飛到咁遠，唔使４個鐘搞掂！其實錄到後段已經喺度搵嘢做，哈哈！」

歌曲除了是Gin Lee跟歌迷之間的熱身密碼，同時亦是鼓勵大家卸下糖衣包袱，將自己最真、最閃耀的一面盡情爆發。Gin Lee一向柔情又得、火爆亦得，今次便徹底釋放她力量型的唱功，一開聲已經似集結號，準備帶樂迷進入戰鬥狀態。填詞人林寶一句「Watch me now, I’m iconic」，將Gin Lee的自信跟霸氣寫到入骨。

東網網站 : https://on.cc/東網Facebook專頁 : https://www.facebook.com/onccnews/