全運港將｜競技體操吳家祺無悔做全職運動員 欣賞石偉雄努力

ViuTV節目《全運港將》今日（22日）播出一集，邀請體操港隊的新一代主力——競技體操運動員吳家祺，他曾多次代表香港參加亞錦賽和世錦賽。

吳家祺在7歲時接觸體操，12歲正式開始接受專業訓練，18歲時專注於跳馬項目。他感恩家中提供資源來追求自己的夢想：「屋企人都覺得我真係有呢個能力，所以直至𠵱家，我都無後悔喺18歲時候，選擇成為全職運動員」。

在眾多體操競技項目中，吳家祺坦言自己喜愛跳馬的速度感和刺激性，因為他的爆發力和腿部力量較強，所以跳馬對他來說非常合適。在眾多運動員中，吳家祺尤其欣賞石偉雄：「我最欣賞佢嘅位係，無論面對幾多傷患同困難，佢都會付出100%努力去追求自己嘅目標，有時我會諗，點解呢個人經歷咁多傷患，仲可以起返身再嚟過。一個運動員可以付出到咁嘅地步，我覺得要好好學習」。

多年來參加過各種比賽，吳家祺最難忘的是今年亞洲體操錦標賽，他直言當時自己的表現非常出色：「我從來未試過發揮得咁好，嗰陣我好激動。最後我攞到第四名，而第三名係巴黎奧運會金牌得主。嗰刻都有啲百感交集，開心嘅係我可以同世界級運動員競爭，分數都好接近。但唔開心嘅位係第三名同第四名真係好大分別，需要時間去接受。雖然今次表現得好好，但係我攞唔到任何獎項。教練都有同我講，雖然我係第四名，但係佢對我今次比賽嘅發揮完全滿意，我覺得呢個已經足夠。」

對於全運會目標，吳家祺表示最想享受比賽當下：「當然每個運動員都想贏，但係我覺得首要目標，都係要發揮好自己，攞唔攞到獎牌就交畀個天決定。」

（即時娛樂）