胡杏兒化身敦煌美人　晒長腿孖老公黃沙恩愛纏綿

藝人胡杏兒最近同老公李乘德應朋友之邀到敦煌玩，享受二人世界，早前已晒過黑衫情侶裝嘅二人，今次更走去敦煌大沙漠影靚相，二人一金一白襯到絕，又手拖手散步，表現恩愛。胡杏兒於社交網留言：「敦煌，一個美不勝收的地方，怎麼能不多拍點照片，太美了，很難忘的經驗！ 🐪🏜️🏝️🐫🦂💛」見佢以一身金色貼身高衩大露背長裙現身，身上布縷配合狂風飛舞，佢除咗側身大展白滑玉背，正面又晒出最長美腿，佢更係全程赤腳上陣，非常專業。不過最搶眼，都係佢同一身白麻衣見人嘅李乘德手拖手合照，默契地望向遠方，步伐一致，似足佢哋嘅愛情咁堅定。

東網網站 : https://on.cc/東網Facebook專頁 : https://www.facebook.com/onccnews/