鄭衍峰新劇一口氣見晒三大視帝　最開心陳瀅成日萬歲

藝人鄭衍峰對於有份參演無綫重頭劇《執法者們》直呼感恩兼幸運。雖然戲份不多，但負責扮演馬國明的下屬，合作過程他自言獲益良多，又打趣：「仲要一套戲能夠見晒陳豪及黃宗澤喎，平時可能要拍幾套先集得齊三位視帝。喺片場陳瀅經常萬歲，大家都好開心。（拍攝嘅時候有咩難忘嘢？）有場戲講我哋出去查案，見到有個演員拍被車撞，然後捲入車底嘅戲，好逼真同驚險，真係呆咗！」

談到新工作，原來鄭衍峰剛從內地返港：「我去咗兩個禮拜，拍咗個好新穎嘅旅遊節目，叫做《盲盒鐵路遊》，搭高鐵出發前都唔知自己去邊。唔可以劇透太多，但可以講畀大家知我有機會涉足內地劇《難哄》嘅外景地，有打卡留念。其實我以前有個宏願，幻想自己去到機場隨便買張機票就飛，依家我可以去買火車票，即刻起行，哈哈！」今次他與林秀怡及王嘉慧合作，令他最自豪便是發掘出王嘉慧的奔放潛質：「起初佢表現好內斂，到最後佢竟然受我哋影響完全豁出去，令我哋同秀怡好有成就感！」

東網網站 : https://on.cc/東網Facebook專頁 : https://www.facebook.com/onccnews/