【LINE你睇】譚仔職員疑用地拖拖送餐車　食客崩潰：「想嘔！」

又有食肆被爆出職員不當使用地拖「清潔」事件，今次事發地點為旺角MOKO商場內的譚仔雲南米線，有食客親眼目睹一名譚仔女職員用地拖清潔疑似送餐手推車，立即拍下證據在網上社交平台Threads發帖譴責。

「有冇人話畀我聽睇緊啲咩，我唔介意又平又污糟，但係可唔可以唔好喺我面前拖完地再拖落去平時送餐車度，救命呀想嘔。」帖文附上兩張現場照片，一名「譚仔姐姐」拿着地拖在拖一架疑似送餐車，瞬即引發熱議，網民留言反應激烈。

「咩事，點解佢哋好似零衛生意識？我係你就即唔食，再叫個經理出嚟問咩事。」、「就係懶囉，貪方便」、「拎布抹好難咩？」批評聲不絕。有網民更指，不要以為用布抹就衛生：「布更加萬能，枱、椅、廁所都可以抹。」對食肆衛生已完全失去信心。

帖文引來不少人留言分享親身經歷：「好多清潔工都係咁，以前見過公廁阿姐攞個馬桶刷撩完馬桶再刷個廁所板，佢哋為求自己方便」、「見過有清潔工將個拖把放落馬桶沖水，當係清潔咗個拖把，然後繼續拖地。」不少網民均表示感到非常噁心，批評這些清潔工零衛生意識。

譚仔雲南米線回應指，經初步調查後確認涉事推車僅用於運送廚餘，並不會運載食物或餐具。而涉事員工為「兼職實習生」，因清潔方式不符合公司指引，已被嚴厲警告及安排再培訓，確保符合公司清潔流程及衛生水平的嚴格標準，譚仔亦會加強衛生巡查與員工指引，以防類似事件再發生。

圖片來源：Threads

【LINE你睇】每日精選網絡熱話，源源送上新鮮事，LINE你睇唔驚冇話題。