錢嘉樂做龍虎武師唔見樣　認曾妒忌兄長錢小豪

藝人錢嘉樂接受新城節目訪問，80年代在麗的電視台做龍虎武師的他由特技人轉做動作導演，再化身遊戲節目「獎老」，嘉樂透露雖然當年由哥哥錢小豪帶入行，但曾因哥哥擁有「主角光環」而心生嫉妒。

嘉樂透露小時候是一名經常模仿哥哥的小屁孩，兩兄弟同樣不是讀書的材料，看書本總是打瞌睡，所以小豪十多歲便投考邵氏訓練班，當年未畢業的他被張徹導演看中，年紀小少便擔綱電影男主角，嘉樂稱：「佢嗰年只有15歲，不過邵氏人工唔能夠滿足佢，所以佢要『秘撈』。」

錢小豪在圈中打滾一段日子後便介紹嘉樂入電視台做龍虎武師，嘉樂指當年純粹「搵啖飯食」，並沒想過要拍電影做主角，他說：「哥哥帶我學一門技能，我就誤打誤撞入咗行，不過都幾好玩，有錢嘛，雖然日薪唔多，得百二蚊，但日日出現金，銀包好漲卜卜，買燒鵝髀可以唔使斬，成隻買嚟扯。」

嘉樂後來嘉樂加盟「大哥大」洪金寶的「洪家班」，開始其電影生涯，嘉樂在「洪家班」是最年輕的龍虎武師，包辦所有高難度動作，雖然身經百戰，但也多次因意外而斷手斷腳，直到有天醒覺生命有周期，體能會下降，他說：「見啲前輩無論以前幾威都好，年紀大咗都冇得威，就開始識得尊重拍戲。」

嘉樂被問到當年做替身不見樣，可有感到遺憾？他說：「冇！唯一係哥哥早熟，高我成個頭，又靚仔過我，我哋好close，有一年邵氏首映，見到哥哥畀咁多記者圍住，點解佢可以做主角？點解我就要跳樓、跳車、被火燒？我哋一齊成長，大家應該平起平坐嘛，我又被人冷落，當時有少少感覺！我都係靠自己努力，唔係靠面口搵食，冇話做替身唔抵，只係為人服務。」嘉樂直言初入行時被影視圈的花花世界吸引，好似與鍾鎮濤和葉蒨文拍攝電影《殺入愛情街》時，他便替鍾鎮濤拖實葉蒨文隻手，嘉樂笑說：「我嗰時直情以為自己係鍾鎮濤。」

東網網站 : https://on.cc/東網Facebook專頁 : https://www.facebook.com/onccnews/