新店關注組｜銅鑼灣囍筷大排檔坪洲直送海鮮 $60煎魚套餐連湯免加一
開業10年坪洲菜館「囍筷」衡出坪洲，選址銅鑼灣食廈開設姊妹店 「囍筷大排檔」，大玩老香港情懷霓虹燈裝潢，主打坪洲大排檔風味海鮮、懷舊小菜及鑊氣小炒。午市套餐有煎魚、湯及飲品，$60起免加一，以銅鑼灣區來說都算抵食！
主打生猛海鮮
銅鑼灣新店同樣主打新鮮生猛海鮮，如海魚、海蝦、龍蝦、蟶子、鮑魚、魷魚等，部份由坪洲每天直送，無論清蒸、椒鹽、油鹽水或避風塘做法都合適，即使身在銅鑼灣，亦能品嘗到小島的海鮮風味。
海鮮推介口水花甲王，花甲飽滿鮮甜，配上自家製惹味香辣醬汁，送酒一流！龍蝦泡脆飯以龍蝦熬煮，滿滿鮮味。加入炸脆米同吃，更添脆口感。
傳統特產馬友鹹鮮
特產馬友鹹鮮嚴選上乘馬友魚，依照傳統鹹鮮方法突顯濃厚魚味。先從魚背或魚腩剖開，使用竹籤撐開魚肉兩側，最後撒上粗鹽醃製數小時，製作過程在坪洲進行。鹹鮮馬友不單能增強魚鮮味，也能提高魚肉的蛋白質黏性，使魚肉更為結實，蒸煮或煎炸均體驗到馬友魚油豐腴甘香的魅力。
懷舊小菜脆皮芝麻雞
海鮮菜單還有霸王辣烤星斑、船家煮斑頭腩、水煮白鱔片、椒鹽鮮魷、酥炸蠔煲，香口惹味啱晒佐酒！懷舊小菜別錯過鍋塔蝦籽豆腐，滑嫩的豆腐沾上蛋白漿，油炸至金黃色，口感鬆化，蝦籽鹹香。脆皮芝麻雞芝麻香氣撲鼻，皮脆肉嫩。
$80起海鮮套餐
平日午市套餐幾抵食，選擇有蒸/煎魚、肉餅、蝦仁炒蛋、麻婆豆腐等小菜，附送白飯、例湯及飲品，$60全包免加一。精選午市套餐主要供應時令海鮮，如豉油王蝦、椒鹽鮮魷、椒鹽鮑魚、蒜蓉粉絲蒸扇貝，由$80起，讚好及追蹤Facebook或IG送坪洲特產芝麻餅。午市套餐款款即叫即煮，份量十足，每星期會更換不同款式。（只限星期一至五，公眾假期除外）
囍筷大排檔
地址：銅鑼灣登龍街28號永光中心1樓
電話：6213 6403
營業時間：
（星期一至五）中午11時至下午3時；下午6時至晚上10時
（星期六、日及公眾假期）中午12時至下午3時；下午6時至晚上11時
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)