古天樂宣布《尋秦記》加長版情人節上畫　雪兒望「項大哥」唱Rap

藝人古天樂、林峯、宣萱、滕麗名、郭羨妮、張繼聰、洪天明、雪兒、姚瑩瑩、蔡一智、朱鑑然、雪梨、苗僑偉、余香凝及陳國邦等，今晚（10日）出席電影《尋秦記》慶功宴，現場除宣布電影港澳累積票房衝破8千8百88萬外，亦同時宣布電影加長版《尋秦記》Plus+ 多元宇宙版已安排在2月14日情人節當日上映，身為老闆的古天樂更即場為加長版特別戲票簽名，一眾演員亦齊齊來個大合照。

古天樂、宣萱與雪兒齊齊受訪，古天樂高興表示電影加長版終於推出，為何選在情人節上映，他説：「因為我覺得呢部電影都係圍繞住唔同嘅情，親情 友情、師徒嘅情，我覺得情人節都適合大家齊去睇。」談到他首張個人精選專輯《天命最高 BACK TO THE PAST》亦選在當日推出，問到相隔多年再次出碟感受？他高興的説：「今次又出埋黑膠，

我覺得好有珍藏價值，真是好耐冇出過碟，多謝《尋秦記》！（網民建議開簽唱會！）2月14當日有簽名會，好難做到又簽又唱！簽完唱嘅會喇！」他透露簽名會名額有限，只有200個名額。問到兩位女士最希望古天樂唱哪首歌？宣萱期望他可跳唱《今期流行》，雪兒更表示希望聽他唱Rap，古天樂笑指「想同做係兩件事」。

另談到他分別憑主演《尋秦記》及《私家偵探》入圍香港電影今日獎2026「最佳男主角」，古天樂表示高興，覺得入圍已經是一個肯定，兩部作品是是雙倍開心，又指對自己演出的電影都有信心，但最開心的是滕麗名憑《尋秦記》入圍「最佳女配角」：「真係好開心，佢係《尋秦記》嘅一分子當然睇好佢！」宣萱亦表示但凡《尋秦記》有份入圍各獎項都開心。

久未露面的雪兒表示今次回來見到多位老朋友當然開心，見到項大哥（古天樂）自己依然會忍不住笑，又指今次現身是給大家驚喜：「好開心可以令到大家有個開心回憶！（會唔會想再拍戲？）有機會梗係想，想拍搞笑啲嘅戲。」

對於憑電影入圍「最佳女配角」，滕麗名感謝老闆古天樂將她由電視帶到電影，坦言「有提名當贏咗」：「其實真係好開心，最緊要係團隊、最緊要收得，票房好！」她表示自己也是駕車途中才得知入圍，老公也應該是剛剛才知道，問到會否多點拍電影？她笑言若有人邀請一定拍。提到爸爸洪金寶憑《尋秦記》入圍「最佳動作設計」，洪天明表示爸爸也是剛知道消息，指爸爸也是平常心面對，自己亦替爸爸高興，自己近來也忙宣傳，又指仔仔曾表示想看加長版，情人節當日會帶仔仔和太太入場支持。郭羨妮則表示當日不在港，會跟老公帶同女女回河南準備過農曆年：「買咗好多手信，同埋《尋秦記》嘅紀念品。」問到她未有獲提名金像獎獎項有否不開心？她笑謂：「點會呢？佢（滕麗名）有份提名我戥佢開心！我唔會諗呢啲嘢，我都係呢套戲嘅，都係一Team人。」滕麗名表示仍未找張繼聰為《尋秦記》角色珍藏卡簽名，笑言今晚一定要捉住對方，提到她可順便相約對方一起為頒獎禮揀戰衣，洪天明即搞笑稱可約埋爸爸洪金寶一起去。

林峯、姚瑩瑩及雪梨齊齊受訪，提到林峯跟電視版《尋秦記》中的媽媽姚瑩瑩母子重逢，他表示今次很難得這樣齊人，只欠郭峰和姚樂怡便齊人。他表示也很期待加長版，因其實拍了很多片段未播出，問到情人節會捧加長版還是去捧老闆古天樂的簽名會場？他透露情人節當日會帶太太和小朋友去玩，他説：「個幾月冇見個女，我得一個星期假，過完年初三要做嘢。」提到雪梨跟姚瑩瑩也只演出過電視版，問到會否想拍電影版？雪梨指電影中出現了一個回憶版的她，很感謝古天樂，笑指續集是隨緣，要看古天樂會否開拍。至於瑩瑩則表示順其自然，笑謂：「我哋個仔（林峯）都咁大喇！成家立室，好安慰。（你當年都好後生！）佢當年喺杭州問我點樣可以生到佢出嚟？我話I really don’t know ！總之監製話得就得。」另問到林峯未能憑電影入圍金像獎會否失望？他坦言會繼續努力，感謝觀眾支持電影，亦替老闆古天樂入圍最佳男主角感到高興，很希望對方可以獲獎「一定會希望自己演出嘅角色可以有機會入圍，但我覺得最重要係演員嘅角色令觀眾鍾意，今次都收到好多支持，好感謝大家！」

東網網站 : https://on.cc/東網Facebook專頁 : https://www.facebook.com/onccnews/