移民英國｜港女網上大呻移民英國後慘況：嚟到簡直勞改咁！網民：真係伏嚟！
移民英國｜近年香港愈來愈多人打算/經已出國移民，其實「移民」絕對係人生大事，因為就算幾有準備都好，總會有預想以外嘅意外轉變。日前就有已移民英國網民，網上發文大呻移民後生活「真係幾艱辛」，更力勸大家「要嚟英國嘅人真係要諗清楚」！到底發生咩事？即刻睇睇！
撰文：海月｜圖片來源：港人雷丁迷路風情 Lost In Reading、Fresh Off the Boat｜編輯：odin
移民英國｜港女網上大呻移民英國後慘況
香港近年愈來愈多人打算/經已出國移民，其實「移民」絕對係人生大事，因為就算幾有準備都好，總會有預想以外嘅意外轉變。日前就有網民「港人雷丁迷路風情 Lost In Reading」於facebook專頁中表示移民後生活「真係幾艱辛」，內容直指移民英國沒有大家想像中咁美好，好多地方都唔適應，更表示自己到英國「簡直係勞改」。
移民英國｜「後悔」原因 1：樓齡舊有排搞
港女表示移民英國後「真係幾艱辛」，因為自己喺英國買間好舊，成九十年樓齡，裝修都搞好耐，咁多地方真係牆身襯色都有排襯。而且屋企太大，成日搵唔到要用嘅嘢。
移民英國｜「後悔」原因 2：被逼「勞改」
港女原本香港屋仔細細，家下去到英國要管理埋個花園，不但有2000尺草地「要種又要剪，簡直係勞改」，而且要處理棵櫻花樹同蘋果，摘遲少少就一地都係，更慶幸鄰居無投訴。
移民英國｜「後悔」原因 3：慘遭鄰居「欺凌」
港女表示同香港好唔同，家下啲鄰居一見面就要吹水，要記住咁多人名唔容易。而且一眾鄰居仲係咁送嘢嚟，搞到一屋都係禮物，更大呻回禮時仲要吹多一轉水。
移民英國｜「後悔」原因 4：揸車能力無所用
雖然港女早已知道外國要多揸車外出，不過估唔到屋企個花園車位太大，買一架車泊唔滿，迫著要諗下買多兩架，而個仔又未有車牌，所以好煩惱。而揸車出街個個爭住讓路，一打燈過線隔離線就收油，令港男苦言一直練咗十幾年嘅切線神功嘥晒。
移民英國「後悔」原因 5：無得偷懶唔煮飯
港女表示自己喺英國超市買餸，唔知做乜啲嘢咁平咁新鮮，加上屋企有兩個焗爐同埋洗碗碟機，搞到日日冇藉口唔煮飯。加上間屋太大，叫食飯都要諗方法點可以一次過叫哂人。
而帖文一出後，隨即引嚟大量網民熱話！好多「心水清」嘅網民留言：真係慘， 見到都覺得辛苦。大家又覺得點呢？
- 星露谷大地主Sam去咗就唔好番嚟禍害香港人2021年12月15日15:51
- SlimeKin生活滿唔滿意都好，千萬不要回來，又拉低番香港人正能量2021年12月15日15:58
- Chris自己身在加拿大，正正覺得香港人在外面被人討厭，就正因為有這種人。大家只是各自選擇自己的生活方式，好好生活就好，何苦要處處迫人，自我感覺良好呢？沒有5+1的話你會能這麼容易過到去嗎？即使不用靠政策過去，也勿做井底之蛙。2021年12月16日01:06
- N原來真係有人睇唔出個作者曲線串緊香港地方又細又迫、香港人淨係識返工放工似足奴隸、同隔離鄰舍連招呼都無個唔好話送禮回禮、新鮮食材仲貴過出街買外賣變相成日食啲又油又咸嘅嘢（你亦無咩時間可以自己煮飯）～ 不過算數啦，香港有啲人真係覺得無左份工會死咁，仲要好自豪於自己嘅人生只有「起身返工食飯放工食飯瞓覺」，完全唔覺得自己無左私人時間同空間去體驗其他野～只能講有啲人做隻牛做得好開心，唔會明點解有人做野貓闖蕩江湖係咩感受，大家需要嘅野唔同～2021年12月15日17:12
- 米米都唔辛苦呀，屋又大又自由，好正呀，你甘既標題會嚇親的想移民既人架，大家努力移民啦，香港屋細😁😁😁😁我就冇錢移民所以要住細屋了😂😂2021年12月15日23:17
顯示全部
留言 12