【搵食CONY】即劏藍鰭吞拿魚夠鮮味　同時嘆串燒丼物大滿足

更新於 03月14日08:12 • 發布於 03月14日07:34 • 搵食CONY、馮翠怡

日本料理種類繁多，凍食有刺身壽司、熱食有火鍋串燒，對於有選擇困難的，一次過可以滿足全部願望就最好。位於搵食新蒲點圍方的「鳥十」，就主打用上日本直送食材製作各種料理，間中更會有「解魚騷」，現場即劏從豐洲市場送到香港的藍鰭吞拿魚，新鮮程度猶如置身「鄉下」。

店家及同集團旗下餐廳久不久都會舉行「解魚騷」，重約100kg的藍鰭吞拿魚出現在面前，CONY更感自己細粒，可以食多啲（笑）。活動準時開始，原來開魚要3名師傅同時幫手，絕對「大陣仗」，而場面不常見都引來不少人圍觀。師傅除了騷力量與刀工，亦會同時介紹及解說吞拿魚不同部位，絕對可以長知識。

好大條藍鰭吞拿魚呀。

師傅專業解說。

要合力才可以劏開。

會講解不同部位。

好厚肉肥美。

雖則話「君子遠庖廚」，CONY都有少少怕血淋淋的場面，但經過「解魚騷」對吞拿魚的確多了認知，之後說起不同部位的名稱，就更能了解到它們的矜貴程度。每次活動後，餐廳會帶來一些較罕見的選擇，例如腦天、面頰肉、魚鮫等，品嚐它們各種滋味鮮香。

用上吞拿魚的各種料理。

刺身類試了3款，包括（左起）腦天、魚鮫、面頰肉。

腦天是吞拿魚頭部的肉，每條吞拿魚只有2塊，脂肪多筋少。口感似中拖，味道就似大拖。

魚鮫部位充滿油脂肪肉質嫩滑。

面頰肉較爽口充滿彈性，因為有少量筋位，所以其中一面以火槍輕炙，令油脂融化。

魚肉新鮮，這份包括（左起）中吞拿魚腩、霜燒吞拿魚腩、吞拿魚背及香蔥吞拿魚腩的四重奏壽司都相當出色。

亦有用串燒形式呈現的吞拿魚，左面是燒血合串，右面腦天蔥串。

血合是魚皮與魚肉之間啡色部分，肉味較重。

想會一會即劏藍鰭吞拿魚就要留意餐廳的資訊，CONY收到風，暫時「鳥十」3月22日還有一場。不過即使沒有即劏吞拿魚，它們的食物都相當高質，沒有因為多元化選擇而犧牲水準，串燒的肉質上盛，調味平衡和火候掌控都配合到食材，亦有充滿心思的卷物，用來打卡一流的丼飯，喜歡日本料理又有選擇困難的食客絕對會稱心滿意。

高質串燒

推薦燒白鱔！厚實嫩滑肉質同時魚皮燒得焦脆。

火炙三文魚芝士魚皮卷，脆魚皮平衡芝士奶香。

松葉蟹三色丼，滿瀉的食材用來打卡一流。

鳥十
地址：香港新界大圍車公廟路18號圍方233號
時間：上午11時半至晚上10時半
電話：2388 2218