張智霖同城城沈嘉偉打牌打幾大？ 伍詠薇踢爆：佢哋打車打地！

張智霖（Chilam）日前上myTV SUPER節目《Tiger’s Talk》做嘉賓，大談日常減壓方法。Chilam被老友鬼鬼的主持伍詠薇踢爆有鋪麻雀癮，而牌腳是天王郭富城及IT老闆沈嘉偉，遂爆他們牌局上落大：「佢哋打車、打地！」Chilam聽完只尷尬回應：「打模型車、打模型車！」

文：東方新地 ｜圖：張智霖微博、TVB截圖、新傳媒圖庫

張智霖（Chilam）日前同周秀娜、黃宗澤上myTV SUPER節目《Tiger’s Talk》做嘉賓，大談減壓方法。Chilam被主持伍詠薇和林盛斌追問下坦承自己有鋪麻雀癮，表示童年受家人影響愛上打麻雀，細個會捉住家姐陪佢解牌癮。不過同Chilam老友鬼鬼的伍姑娘就踢爆他經常贏錢，更指Chilam的牌腳是天王郭富城及IT老闆沈嘉偉，遂爆他們牌局上落大：「佢哋打命、打車、打地！」而Chilam聽完只尷尬回應：「打模型車、打模型車！」之後，Chilam繼續解釋話大家經常一齊打牌，所以唔可以打得太大，只係千零蚊上落。但伍姑娘聽到後直指Chilam講大話：「我唔識打麻雀都知唔會千零蚊上落啦！」