【拜年賀禮】4款令人又愛又恨香港經典拜年賀禮！網民：年頭食到年尾！

【拜年賀禮】話咁快就到牛年年初一！今年因為新冠肺炎疫情關係，唔少人都決定減少拜年。不過咁多年嚟拜年賀禮，大家送嚟送去都係餅盒、蛋卷、鮑魚麵。今次就為大家歸納四款令人又愛又恨嘅「經典」拜年賀禮！不如睇下你又有無收過？

撰文：食花生的民眾｜圖片：新傳媒資料室、Lihkg｜編輯：海月｜原文刊於：新假期

【拜年賀禮】4款令人又愛又恨香港經典拜年賀禮！網民：年頭食到年尾！

香港經典拜年賀禮 1.食極都仲有！ 嘉頓什餅

嘉頓什餅的討論度最高，更出現了「嘉頓什餅又要黎害人」、「有無嘉頓什餅愛好者？」等討論。網友直指年年都收到嘉頓什餅，份量太大如耶穌神蹟「五餅二魚」，食極都仲有，似足無底深潭。但另一邊廂，亦有網友支持送什餅，表示口痕、肚餓都會食幾塊。

係愛定恨？嘉頓什餅變萬能Key

網友為向什餅送愛你，更瘋狂改圖，key什餅罐到名畫如「五餅二魚」、「吶喊」中， 似乎大家「口裏說不，身體卻很誠實」，講就話集氣希望唔好再收到嘉頓什餅，但似乎都有一些嘉頓什餅的愛好者。睇完以下「傑作」真係不得不佩服網民的創意！

不過，亦有嘉頓什餅fans 留言指個鑵又靚又夠深，食完可放好多嘢。不但可以當新年賀禮，更是生日禮物首選。

香港經典拜年賀禮 2.「借花敬佛」首選 丹麥藍罐曲奇

除了嘉頓什餅，藍罐曲奇也上榜。有網友指會直接轉送給其他人，但隔年送禮未有注意可食用日期，送了過期藍罐俾朋友，更被問到是否買錯，記者睇字都覺得好尷尬。

香港經典拜年賀禮 3.狂撞款！ 金莎朱古力

另一經典送禮之選，金莎朱古力也榜上有名。金莎包裝高雅，原產地是意大利，但價格親民，是市民送朱古力的首選，但可能大家送禮都不加心思，送上最安全的選擇「金莎朱古力」，令網友們食到厭！

香港經典拜年賀禮 4.壽桃牌鮑魚麵 新年不是必食但必送

送禮不但只有甜食、餅類，也有些麵類禮盒。講到麵類禮盒，最典型一定是壽桃牌鮑魚麵，不過大家似乎不太受落。

集體回憶 失去才會想念

無論如何，這些都算得上是香港人的「集體回憶」，所以大家才對這堆「經典禮盒」又愛又恨！雖然不想常常收到，但吃不到又「周身唔聚財」！就如有網友就指近年都收Lindor、瑞士糖，反而沒有吃到藍罐、金莎，表示十分想念！ 雖然口裡說不想收到經典賀年禮盒，但到吃不到時又有種說不出聲的想念，似乎大家都有種情意結在。