《中年3》王鄭浚仁善玥澄獻唱　過百粉絲逼爆卓爾廣場

《中年好聲音3》中有「海豚音CP」之稱的王鄭浚仁（Rax）和善玥澄（Shinnie）今日（6日）現身屯門卓爾廣場，為《卓爾廣場 夏日好聲音》Music Live擔任表演嘉賓，獻唱十首歌曲，包括Rax唱參賽歌《愛火花》，Shinnie則選了比賽時未有唱過的英文歌《Price Tag》，吸引過百粉絲逼爆商場，場面墟冚！除了獻聲，二人更跟粉絲合作以海豚音玩遊戲，笑爆全場。

Rax台上透露日前才到港，為Shinnie的粉絲見面會擔任義務司儀，之後會有商演及演唱會活動，包括7月19日舉行的《中年好聲音3有你有我演唱會》，更表示若反應好，有機會會加場，笑言整個7月已預留給歌迷。問到經常馬來西亞香港兩邊飛，有否考慮在港租屋會更方便？他說：「有架，我依家真係香上咗香港，有睇屋仲未睇啱，冇乜要求乾淨就得。」身旁身為地膽的Shinnie即表示要幫手物色，以報答對方擔任義務司儀之恩。問到首次覺辦粉絲見面會感受？她說：「好開心，好感恩，本身冇諗過搞，但參加多咗其他人嘅見面會，所以先有呢個念頭。」

談到19號的《中3》騷，二人透露已收到歌單，Shinnie笑言屆時會有親嘗試給大家驚喜，但要先賣關子。談到二人CP形象受歡迎，Rax表示稍後二人會合作拍片翻唱其他歌手作品，至於有否考慮出自己歌？二人笑指要問公司，直言很希望有自己單曲，Shinnie表示以往任空姐時已有寫歌習慣：「飛嚟飛去，喺酒店冇嘢做就會將當刻感受寫成歌或詞。（儲咗好多？向公司自薦未？）有個最完美嘅版本會一炮過推畀公司，哈哈！」她笑指有觀眾誤以為她風格暗黑，但其實自己是走文青曲風。

東網網站 : https://on.cc/東網Facebook專頁 : https://www.facebook.com/onccnews/