阮浩棕8秒成功挑戰即場落淚︰識喊唔代表好戲

無綫節目《人生美食地圖-東京篇》今晚（20日）播出最後一集，陳山聰將返回東京，與阮浩棕、陳方藤在櫻花樹下Re-U。

阮浩棕在昨晚一集聯同陳方藤尋找東京個性小店，先後品嘗了極厚炸豬扒、人氣鮪魚拉麵店、鯖魚專門店、炭燒鰻魚飯四食等，並體驗壽司製作。他在節目中透露初入行時曾自覺懷才不遇：「當時心雄吖嘛，覺得自己得啦嘛，但係當你見識多咗就發現唔係咁。」阮浩棕回憶當年在內地發展，首日開工時需要拍攝喊戲，令他體會到自己的渺小。他表示：「睇完劇本，我係有感覺嘅，都會好激動，但到埋位時就喊唔到。」

阮浩棕表示當時同劇另一演員不但喊得出，更控制好每一take都在同一個位置流下眼淚。他感嘆：「我望住佢，覺得點樣可以做到㗎呢？佢大我一年㗎咋喎，但領先咗我好多。我唔係懷才不遇，只係我未去到嗰個位，未有呢個實力，需要做得更加好，先值得畀人睇到。」陳方藤聞言要求阮浩棕即場流淚，阮浩棕成功於8秒時間內流出真眼淚，連拉麵師傅忍不住搞gag讚嘆：「好味到喊」。事後，阮浩棕謙虛地說：「識喊唔代表好戲嘅，喊係演戲其中一部分。」

（即時娛樂）