蔡潔素顏上陣　死得更為淒美

藝人蔡潔在邵氏劇集《執法者們》中最終慘死，當中更不少被鞭打場口，蔡潔指被鞭打場口大約拍了大半天時間：「雖然成場戲我要被吊住，但我覺得都可以處理到，因為我有練開瑜伽，啲筋都算鬆，所以就算長時間高舉雙手郁動都唔會太痛苦。」她又謂被鞭打場口其實是CG而非真打：「我主要係聽到發一聲，就要做出被鞭打嘅反應。」

談到近乎全素顏上陣，蔡潔指為配合劇情不介意：「其實有搽少少防曬嘅，都算素顏，但咁樣反而仲輕鬆，平時啲靚妝成日要補，但嗰幾場我完全唔使理，多謝團隊將我死嗰幕拍得好唯美，除咗機位同拍攝角度，當時現場好大風，令到有網民覺成件事出嚟效果好淒美、好靚。當然我好開心啦，心諗：『死都有得畀人讚靚？』好正呀，哈哈！」

東網網站 : https://on.cc/東網Facebook專頁 : https://www.facebook.com/onccnews/