邱士縉@MIRROR現身活動大騷球技 為粉絲細心解釋籃球用語
MIRROR成員Stanley邱士縉今天（12日）現身太古城中心舉行的《Live the Game!》擔任嘉賓及頒獎，他笑言自己是多年NBA粉絲，出席此活動表示興奮，到場後立即大展身手，射入穿針三分波，現場隨即一片歡呼聲。
Stanley今日為三分波決賽擔任嘉賓及頒獎，他說：「我頭先打聽咗初賽參加者實力，定點射波嚟講都好似好唔錯，過關啦！細個教練成日同我哋講，射波有實際之餘，一定要有姿勢，唔係為咗型，真係調整到準繩度㗎！頭先決賽嗰陣我都特別金睛火眼，留意10位入圍Finals嘅朋友仔手勢！」
賽事期間氣氛熱烈，無論10強參賽者入球或擦邊時，頻頻有歡呼吶喊聲。Stanley不時為現場粉絲實時解釋行內術語，被主持大讚最佳拍檔，他笑稱：「對於喜愛嘅運動一定係熱心推廣，趁咁好嘅機會介紹玩法、規則，大家睇得投入啲，可以樂在其中。」Stanley作為潮流達人，不會錯過場內拍照打卡位，身材高䠷的他手持籃球擺出型格甫士，全場粉絲尖叫，他又主動跟粉絲傾偈及大合照，大派福利。