「御用丫鬟」自爆畀朋友呃晒積蓄　免疫系統問題全身爛晒

曾係無綫「御用丫鬟」嘅陳思齊（前名陳凱怡），繼早前自爆擺攤賣雞腳，並期許自己有望成為「雞腳皇后」後，開時不時透過社交網與網友分享生活點滴嘅佢，日前更分享自己轉行原因，表示因為香港做演員人工不高，多年來只有少少積蓄，未料最後畀人呃晒：「借咗畀個朋友，當然最後一去冇回頭，連個朋友都唔見埋。然後免疫系統壞咗，加上病就冇辦法賺錢，身體唔好又點做嘢呢？ 瘦到得返70幾80磅，全身上下仲要冇忽好肉。」雖然陳思齊最後養番好身體，但亦因睇醫生已散盡錢財，所以決定加入團隊，賣雞腳搵食。

東網網站 : https://on.cc/東網Facebook專頁 : https://www.facebook.com/onccnews/