關智斌自責失手墮地「抵死」 回應張致恒稱願配合開騷

關智斌（Kenny）昨晚（27日）完成尾場《The Endless Adventure Live in Hong Kong》後受訪，強調從街頭健身架失手跌下後沒有受傷。他坦言發生意外全因個人疏忽，只專注修整頭場時鬆脫了的鋼管，而未有再排練街頭健身架環節。Kenny說：「我上到架發覺冇吸氣，爭一啖氣就做唔到。我有啲嬲自己，驕兵必敗。體力都係問題，今日比較興奮，冇咁專注！頭場做到輕而易舉，今日就唔夠專注，真係抵死！」

Kenny笑頭場嘉賓容祖兒、蔡卓妍（阿Sa）、鍾欣潼（阿嬌）表現「狼死」，下次會控制場面，不再將私下相處模式搬上舞台，但沒想到觀眾反應熱烈。被問到平日食飯是否也被她們「任摸」，Kenny笑言情况更誇張︰「你睇阿嬌見到『狗鏈』幾開心﹗我哋玩得好有默契。」談到容祖兒在台上感動落淚，他坦言十分感動，感謝她們的支持，包括阿Sa送的咪高峰。Kenny續說︰「我本來冇打算請佢哋上台，佢哋好好，互去對方舞台已係不成文規定。」

舊拍檔張致恒（Steven）早前回應網民「冇張致恒就唔係童年回憶」時，自言可能是負累。Kenny表示不知情，因演出期間未有瀏覽社交媒體，以免影響心情。對於Steven表示如再有機會合作開騷，願意配合他，Kenny重申：「之前訪問都講過，覺得大家都係同步，佢Ready，我Ready。」不過，經理人表示：「我唔Ready呀，叫佢減完肥先出嚟啦！」

（即時娛樂）