【LINE你睇】幼稚園畫作贏99%大學生 網議舉辦家長聯校比賽

今時今日，幾乎所有小朋友都是超班兒童， 十全大補外，更要砌靚profo，獎項愈多愈好 據說這樣才可「學」路順遂！香港賽馬會日前舉辦「融馬．同行」 藝術創作比賽，當然再抓緊「獲獎」機會，出盡力畫出靚靚作品；最近官方就公布投票細節，網民赫然發現幼稚園組別部份作品竟然打贏99%大學生！

網民將相關作品截圖放到社交平台上討論，有人直言：「依家啲家長真係不遺餘力，為咗拎獎可以去到幾盡？我睇完幼稚園（家長）組別啲畫，原來香港咁多畫畫大師。」還打趣讓大家無聊時去看看這些幼稚園「大師」的作品。不少網民認為，除非比賽是在學校現場進行，否則這些作品幾乎都是家長代勞的。有網民以對話形式諷刺問：「你畫畫咁叻有咩用？第時做咩吖？」答：「做家長。」

還有人建議去看大學組的作品，懷疑兩個組別被調轉了，笑稱幼稚園學生的畫畫功力比大學生還要強，甚至能「撳住大學生嚟打！」，也有人慨嘆：「反而是那些認認真真喜歡畫畫的小朋友得不到獎。」一位做過畫畫比賽評判且從事繪畫教學的網民表示，見到不合理的作品時，就算畫得再好，評判們也會一致將其歸入優異獎，而把獎項頒給那些真正符合學生年齡水平的作品。還有人調侃提問：「香港可以令幾多畫畫大師變成普通家長+社會打工人」，並建議專門為那些非常想表現藝術造詣的家長舉辦全港家長聯校比賽：「有無人好心整個全港家長聯校比賽比非常手痕想表現藝術造藝嘅家長參加下，讓返條路比啲細路丫！」

圖片來源：香港賽馬會

【LINE你睇】每日精選網絡熱話，源源送上新鮮事，LINE你睇唔驚冇話題。