德國傳奇前鋒高路斯：我係美斯球迷，如果紀錄真係被打破，我希望係美斯就係完成

💬德國傳奇前鋒高路斯接受德國圖片報訪問講到佢保持世界盃入波紀錄，高路斯就話「當世界盃擴大規模嗰陣，我就知道呢個紀錄遲早會被打破。當然，擴大規模亦都俾到好似像庫拉索呢啲比較細國家參加，呢個係一件好事，因為唔同球隊都有機會參加世界盃😉。」

🤝🏻呢位德國🇩🇪傳奇球員又話「我係美斯超級球迷，如果紀錄真係被打破，我希望係美斯就係完成，前提就係美斯仲會繼續踢波。當然，麥巴比同樣都係出色嘅天才球員，而我只係希望佢哋可以保持健康同埋踢出應有水平🙂。」

🏆高路斯最後就話「對我嚟講，最緊要就係成為2014年巴西世界盃冠軍，我想要呢個冠軍，仲係同球隊一齊拎到。至於世界盃入波紀錄，亦都算係對一位連續四次殺入世界盃四強球員嘅獎勵🤓．」

🎯高路斯係2014年7月8號對住巴西嘅世界盃四強比賽，搵到個人第16個世界盃入波，打破朗拿度15個入波紀錄，成為世界盃史上入波最多球員。另外，高路斯亦都係世界盃史上第一位連續四次殺入四強嘅球員(2002年、2006年、2010年同埋2014年世界盃)🫡

▼Follow足球仁
Instagram: https://www.instagram.com/football_yern/