王祖賢邊艾灸店位置有洋葱　隔壁街名「張國榮」

女神王祖賢息影後定居加拿大溫哥華，近年開設艾灸館吸引不少粉絲慕名而來，雖然最近傳出佢壓榨員工、員工時薪過低等，但都冇損店舖人氣。近期就有網友公開光顧艾灸店後心得，直言不枉此行：「作為一個從小看王祖賢電影的影迷，第一次到加拿大就想過會不會有一天偶遇王祖賢，這次聽說了艾灸館就早早預約好特意從多倫多飛來了溫哥華。」

又有粉絲大爆王祖賢非常親民，做艾灸時更邊哼鄧麗君嘅《我只在乎你》，邊完成療程：「像一個跟你早就認識的朋友，如果非要拿一部她演的電影中的人物性格來比較，我感覺最接近的是《東成西就》。在她親自給我點火艾灸的時候，都在一邊聊家常，一邊哼歌，美好的像夢中場景。」又有網友表示睇得出王祖賢一心鑽研佛法及忙於推廣艾灸文化，過住獨立、熱愛事業、輕鬆平靜嘅內心。

同時，有人發現王祖賢店隔一條街正正係叫做「Leslie road」，而Leslie就係已故巨星張國榮英文名字，加上張國榮生前於溫哥華住咗好多年，附近的公園還有一把紀念他的長椅，引來其他人感慨指王祖賢好有心，估佢店舖選址係有可能係有意為之。另外，王祖賢現身國際灸法大會，一身素色連身裙打扮加口罩見人，以艾灸館主理人身份上台發言。

東網網站 : https://on.cc/東網Facebook專頁 : https://www.facebook.com/onccnews/