謝師宴年年都有 但依家大家都唔想去嘅原因係咩？
會唔會連你都冇去謝師宴？
大家都經過中學畢業時期，講到畢業必定會有嘅幾件事，畢業典禮、影班相仲有就係Grad Din(謝師宴) 啦！謝師宴本來嘅意思係感謝老師多年嘅教導，要請返老師一餐。但依家都變晒質，由頭到腳都要扮到靚靚，爭妍鬥麗！唔講仲以為要去選港姐！今次DailyView網路溫度計同你講下Grad Din，就用網路大數據嘅調查下有咩原因令到有咁多人都唔想去Gran Din啦！
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog……透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
image souce：港島香格里拉
10 酒店太高級 壓力山大
大家都係學生仔，邊有機會去啲咁高級嘅酒店啊！第一次去到咁高級嘅地方，總係覺得格格不入。個頭係唔係Set得唔好、件衫係唔係太淘寶、對鞋係唔係太娘、會唔會丟架，咩都擔心一餐，壓力山大。食都食到周身唔自在，不如都係去返自己食開個間，食得仲舒服自在。正所謂龍床不及狗竇！
image source:peninsula
9 都未放榜 謝咩師？
好多時候，未放榜就已經要搞謝師宴。Grad Din通常要去高級嘅酒店搞，就要洗一筆大錢，但學生點會有咁多錢啊，網友都話「學生哥好多人野都未出黎做就要洗咁大舊錢。」其實仲未憂完自己嘅成績就要憂Grad Din依樣個樣。謝師宴嘅本意其實就為多謝老師嘅教導，但現在仲有咩心情謝師啊。
image source:pixabay
8 去旅行好過啦 反正以後都未必會再見面
其實岀左社會，有幾多機會返去學校啊。其實講真個句，又唔係特別同啲老師好熟，只要以後唔返學校都未必會再見㗎啦。所以去到謝師宴又係同返自己班friends一枱傾計，咁點解要畀咁多錢去食餐咁貴又唔想食嘅飯呢？不如去旅行放鬆吓好過啦，同自己班friends去吓旅行仲開心啦！
image source:pixabay
7 準備上台表演 尷尬癌發作
除左同請老師食飯同抽獎之外，謝師宴嘅重點就緊係睇同學仔嘅才藝表演啦，佢又玩得盡興就當然係win win雙贏啦，但到自己要表演嘅時候，就唔係咁講啦。由一開始準備，選擇表演項目、服裝啦，要搞好多野，但比心機做岀黎嘅表演，人地可能就唔識欣賞。上台表演嘅時候，台下嘅同學就圍威喂傾計，到時就真係尷尬癌發作啦！
image source:flickr
6 買新衫去show off又係一筆錢
錢，全部都係錢。去得Grad Din點可以唔著新衫啊。點都要show off下先得咖。網友表示「淨係餐飯+請埋老師要$800 ，但嗰晚都唔會食啲咩架啦，唔驚整爆件衫咩 。仲未計買衫，套衫仲要係著一次，平時唔會著出街。」未計買衫都要$800啦，買完女網友就話啦「我記得單係個GRAD DIN都洗左成2000蚊，又要搞呢樣搞果樣 。」
image source:pixabay
5 地方揀得遠 仲要同人夾錢打的
GRAD DIN錢，夾左。成身搞掂晒。萬事俱備只欠東風，就係到左Grad Din當日。去Google下點去先知，Grad Din個間酒店山旮旯咁遠。著到得靚靚，去搭完地鐵都仲未到，著住對高踭鞋，無計，都只能夠去搭的士啦。咁又一筆錢啦，真係唔可以怪啲同學仔唔想去Grad Din啊！
image source:Flickr
4 唔去都要俾一半錢 以為係擺酒咩
其實去唔去真係個人選擇嘅問題，好多學校都逼人唔去都要俾一半錢就真係好有問題啦。網友講到「我唔想去, 班會又局我比錢, 我唔去你憑咩要我比錢 (只怪我當年唔識諗, 比人屈左幾舊水 ) 」無去嘅人都要比一半真係對無去嘅人好唔公平。
image source:Flickr
3 唔識化妝仲要提早搵人化妝
中學時期學校一直都唔畀化妝，依家終於畢業啦。Grad Din仲唔化到夠本，但係對係第一次化妝嘅女仔嚟講，一唔小心重手咗就會化到成個阿梅咁。所以對於唔識化妝嘅女仔來講，通常都要麻煩人哋幫手化妝，再唔係就岀去搵化妝師化，網友就問「都唔明點解唔可以好似搞聖誕聯歡會咁搞左佢算，係都要做場大龍鳳」。
image source:flickr
2 唔知著咩好又怕買淘寶畀人發現
對於預算唔多嘅同學們，淘寶簡直係天堂。一次過可以平平地買晒衫褲鞋襪，但係最驚就係俾人發現件Grad Din裙係淘寶野。俾人發現左真係笑成世㗎。但唔買淘寶又唔知著咩好，香港地買件去得Grad Din見得下人啲嘅衫都要800到1000左右。錢又無，淘寶又唔買得，最後都係算啦唔想去啦！
image source:taobao
1 變咗選美大會 互相評頭論足
明明我去個謝師宴，點解都要著到咁行？個個都人都係到岀盡力Show off，想贏盡全場。當然就係有腿岀腿，有背岀背。但係又唔可以著得太少，全部老師都係到，而且又會俾人話露咁多博咩，係到指指點點。著得太多又會輸咗俾人。究竟謝師宴係幾時變咗選美大會，唔講仲以為自己去咗選港姐。
image source:youtube/tvbusaoffical停一停，諗一諗有網民話其實謝師宴真係人生一大污點，好多時想一想當年，睇一睇以前嘅合照，都會嚇親自己，但畢竟人一世物一世，Grad Din都係一個集體回憶嚟，以後gathering都會係一個話題啊嘛！
分析說明：
本研究資料分析時間範圍為2018年03月11日至2019年03月10日，共一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『10大DSE畢業生唔想去Grad Din嘅理由 』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。