3級片《猩瘋血雨》猩猩追殺後生靚女　復古用人扮猩

3級驚慄片《猩瘋血雨》（Primate）以寵物黑猩猩發狂襲擊人類為賣點，由Johnny Sequoyah與Jessica Alexander兩個靚女主演，後者曾於迪士尼真人版《小魚仙》（The Little Mermaid）飾演巫婆烏蘇拉幻化的美人。故事講述一班後生仔女前往熱帶小島度假，度假屋有一隻聰明的寵物黑猩猩，本來相安無事，但黑猩猩突因變故發狂，引發血腥連場。

當你以為片中黑猩猩與現在一般荷里活片一樣，是由電腦特技繪製，導演Johannes Roberts透露他們採取復古之道，是由演員扮演：「我哋想用道具拍攝，咁係好正，但基礎係要搵到個做到嘅演員，佢要夠細粒，但又要夠力量。」結果他找到Miguel Torres Umba飾演黑猩猩，再配合傀儡師控制道具猩頭的表情。他又表示：「黑猩猩明顯隻手臂長啲，身體比例又同人唔同，所以我哋拍攝唔同場面會有唔同嘅道具手臂，至於唔同場面亦有唔同嘅腳……佢哋係由人手控制，因為黑猩猩隻腳就好似手咁靈活。」

東網網站 : https://on.cc/東網Facebook專頁 : https://www.facebook.com/onccnews/