「四料選美冠軍」演長期受精神虐待角色　微表情做到足

無綫熱播劇《非常檢控觀》「殺戮試場」單元正式落幕，徐彥楓（蔡菀庭飾）終承認是因太妒忌小禹（戴祖儀飾）犯下罪行，同時揭露出阿楓因從小到大活在父親徐建樹（陳榮峻飾）長期精神虐待慘況，網民大讚戴祖儀和蔡菀庭（Tiffany）的演出很揪心，對「劇集新鮮人」Tiffany挑戰到重要角色，很有驚喜，Tiffany是2017年多倫多華裔小姐冠軍，橫掃4大獎堪稱「四料選美冠軍」，入行7年，演過不少角色，今次飾演「神經質機心女」，為配合角色長期受壓及濫藥背景，Tiffany無論演繹暴怒、激動、焦慮、討好、自責或是愧疚，眼睛或是嘴角肌肉都會不其然抽搐，微表情功夫做到足。Tiffany受訪時坦言是刻意設計的細節，並感激監製給予極大自由及創作空間：「我覺得個角色對聰明藥有依賴，所以應該會好多時控制唔到自己嘅肌肉同表情。我開拍前都有不斷喺屋企對鏡練習，希望做得自然啲。」、「呢個角色係我入行以嚟最大發揮嘅角色，好衷心多謝林志華監製畀呢個機會我。」表示編劇是最大功勞，坦言圍讀時已忍不住落淚。蔡菀庭還感激陳煒、馬德鐘和戴祖儀的循循善誘及幫忙：「我同祖儀成日會一齊食飯，建立咗真感情。煒哥（陳煒）、馬神（馬德鐘）見到我好緊張時，會畀好多指導同提示我，好耐心咁幫我Tune番啲演法，又畀咗好多時間我培養情緒。」Tiffany續指彥楓與小禹在監獄中視像一幕，其實是綠幕拍攝，要靠想像力演繹場口，幸好祖儀事前貼心錄了對白給她做反應，令她更易代入。

Tiffany表示對她來說最高難度場口是「模擬法庭」，並一度緊張至胃痛：「拍嗰日我好緊張，加上劇入面角色情緒都需要好緊張，當時直頭有啲分離唔到角色同自己嘅情緒，最後係緊張到胃痛同成塊面白晒…嗰種狀態下記對白同兼顧其他拍攝細節，係真係難。」入行7年，有資料顯示入行至今拍了超過70個不同角色，Tiffany笑言沒有正式統計過，不過入行以來從來沒有推過任何通告：「我由入行到依家，只要有PA搵我就會接，我未推過任何一張通告，因為我覺得每一次返工，對我嚟講都係好好嘅學習機會。返工可以睇吓前輩會做啲乜，其實係好開心㗎，所以我真係冇計自己做過幾多角色，有得做我就做！」

東網網站 : https://on.cc/東網Facebook專頁 : https://www.facebook.com/onccnews/