TVB「御用八婆」現身老人院　 晚景淒涼近況曝光

現年72歲的TVB「御用八婆」李楓（原名李惠歡），常演潑辣角色，早於2020年已約滿離巢，之後便神隱多時。近日有網民上傳李楓在老人院生活的近照，片中可見身穿花紋上衣、灰白長髮嘅佢手持麥克風大唱粵曲，精神狀態不俗。

佢同另一位女士為一班「老友記」表演，李楓大開金口功架十足，唔少網民立即認出佢，大讚佢把聲好似鄧碧雲，又叫佢「大粒墨姐姐」。好耐都冇消息嘅李楓身形較以往豐滿，同當年瘦削形象唔同晒，唱歌時仍中氣十足，精神狀態良好。

曾有過一段婚姻嘅李楓，因老公生意失敗及沉迷炒股、炒樓，兩度破產，導致佢要變賣嫁妝及珠寶為夫還債，甚至全家由九肚山搬到村屋居住，最潦倒時冇錢開飯，甚至要瞓公園長櫈。1995年，佢決定離婚，重返TVB拍劇養活子女，每日只花20蚊度日，生活艱難。談到子女，李楓直認有所虧欠，自覺「我唔係好媽媽」。幸而依家李楓子女已成家立室，晚年同仔仔關係修好，並一同居住。

李楓健康狀況亦曾亮紅燈，早年佢曾患上腦水腫導，致腦出血及影響腦神經，但因為畀唔起私家醫院費用，要去公立醫院排期。雖然手術成功，但術後每日100元住院費，已令李楓感大負擔，所以留醫一個月便急急出院，繼續打工賺生活費。

東網網站 : https://on.cc/東網Facebook專頁 : https://www.facebook.com/onccnews/