有女陪打波精神特別爽　Edan戰鬥力爆發

男圑MIRROR成員呂爵安（Edan）今日（21號）29歲正日生日，雖然未知可會約會馬來西亞緋聞女友林明楨秘密慶生，但迎接最後一個「2字頭」生日前，就相約全男班，包括張繼聰及師弟ERROR成員193先出一身汗。

網上流傳3人以「晨射」籃球隊隊員身份在荃灣室內運動場，對戰Phantom隊打賀歲波。身穿30號球衣的Edan，一落場就戰鬥力爆發，不時搶波、入樽，加上其藍色波鞋夠鮮艷，成為全球最亮眼的投射手。有份觀賽的波友在網上留言大讚「拎到波直殺入對面場上籃型到呢」、「先嚟幾個傳球，最後8秒進攻，直入籃底，穩到呢」等。

而193亦是網民焦點，着15號球衣的他，極罕着短褲露出筆直長腿，有網民話他開波3分鐘，離遠也感覺到其身上的衝勁，最搞笑是有人以「睇女」角度品評他：「對長腿成晚跑嚟跑去，令人分晒心」。

還有身為Edan及193前輩的張繼聰，渾身肌肉的他表現收放自如，未有搶波，亦不會「打流攤」，不時交波給年輕人入球，甚有大將之風，最終Edan所屬隊伍以46比40勝出，全隊合照留念。有網民又發現在Edan打波期間，場內有美少女當御用攝影師為他捕捉最型一刻，不過此「女」並非緋聞女友林明楨而是胞妹「小如豬」，賽事完畢後，Edan上載和妹妹頭貼頭的合照，網民指兩兄妹愈來愈似樣，親情化不開。

東網網站 : https://on.cc/東網Facebook專頁 : https://www.facebook.com/onccnews/