倪嘉雯奪「最佳女新人」　又靚又有演技原來係中大生物系學霸

台慶頒獎禮昨晚獎項花落誰家已揭盅，「最佳女新人」由小花倪嘉雯（Carmen）奪得。入行5年，倪嘉雯由主持兒童節目深受小朋友喜愛，到近年憑藉參演《反黑英雄》、《法證先鋒VI：倖存者的救贖》、《新聞女王2》等劇集展現躍進式演技，實力獲得廣泛認可！

得獎後她在社交網留言：「依家嘅感覺仲係好似發緊夢咁🤤🤤🤤好開心可以得到最佳女新人呢個獎項💓多謝大家嘅投票✨好幸運呢幾年喺公司遇到好多錫我嘅人，多謝一齊合作過嘅前輩，多謝用過我照顧過我嘅監製、導演、writer、PA、幕後工作人員、梳化服等等

多謝你哋用我，錫我因為你哋，我先可以得到呢個獎項。」她又說：「我知道自己有好多不足，有好多好多地方要改善🙏🏻演員呢條路仲有好長好長，我好享受呢趟旅程，我會繼續好努力去令自己進步，希望可以得到大家同觀眾嘅認同！」

倪嘉雯畢業於名校聖公會林裘謀中學，其後更以優異DSE成績考入香港中文大學生物系，絕對美貌與智慧並重。2020年正式加入TVB後，她先後於兒童節目《Think Big天地》、《Hands Up》擔任主持，又憑《換命真相》、《十八年後的終極告白2.0》中神還原劉佩玥及龔嘉欣年輕版，而獲封「少女版專業戶」。2023年，倪嘉雯參演《新聞女王》飾「同事甲」，即使佔戲不多，但憑仙氣靚樣獲讚「最美過鏡女同事」。倪嘉雯在《反黑英雄》飾演的社團千金，不少網民更指她靚樣激似陳自瑤，未來可期。

形象百變的她在《法證先鋒VI：倖存者的救贖》中飾演「苦情濕疹少女」，演技可圈可點，人氣再度攀升。來到《新聞女王2》，倪嘉雯升呢做SNK主播，身為「文家軍小太陽」，熱血又忠心的她與「Man姐」佘詩曼之間的互動亦深受網民喜愛。

東網網站 : https://on.cc/東網Facebook專頁 : https://www.facebook.com/onccnews/