87歲鍾景輝中學照出土　陽光笑容有肌肉好靚仔

早前3月23日87歲生日的King Sir鍾景輝，近年淡出幕前，不過早前就有網民在facebook賀他生日之餘，更上載一張King Sir中學時代的舊相，相中的他穿上運動背心露出一雙大隻手臂，加上陽光笑容，網民都大讚好靚仔。

King Sir在2016年患上大腸癌，抗癌成功後參演《牛下女高音》，不過之後就淡出幕前。直至上兩個月農曆新年，梁祖堯、湯駿業、劉錫賢及邵美君等人去和King Sir家拜年合照，才見到King Sir近況，仍然相當精神。