馬拉松與人：Kak 金沢馬拉松

Kanazawa Marathon 2023，第二隻海外馬的故事 – 2:57:40 – PB 2mins。

7月頭走完一隻黃金海岸全馬，當時心紅紅，想盡力走，點知28km抽到返終點，跑到懷疑人生，當時尾段啲記憶已經有點蒙糊，但抽筋回憶還在。

休息接近一個月之後，8至9月開始返課表，上到400km每個月，9月時曾經狀態有小小回落過（膝頭舊傷患問題），然後護理下& 調整一下速度& 休息，到10月時狀態開始上力，走埋幾課長課& 速度課，準備打大佬！

今個比賽賽前嘅最後調整 & 補碳，我覺得係做得好好，加上日本附近嘅食物都好豐富，補碳一流，當地天氣又唔錯，大約15度左右，唯獨賽前調整係瞓覺休息方面較差。

賽前@kailokwongWong Sir俾咗個策略我，聽完之後，整個人都無咁大壓力，因為我嘅訓練量 + 團練時嘅速度，有信心走得到一隻靚馬。

起步前因為我想痾完尿先上線，所以最後喺起步區較後位置起步，起步時好塞好塞。

頭段12km係多啲上斜，但係好輕鬆，因為頭段體力好 + 天氣又涼快啲，可以盡量保留體力。

沿途都好多打氣團，氣氛超好，到12km之後就落斜了，就開始加點力 – 快過前12km時間。

到我2x公里時開始望到前面大會Sub3 Pacer團，原本起步見大約60米前左右，要去到2x公里先追得返到佢地。

去到第28km, 望住個公里牌有陰影，個心又驚抽筋，但心諗今次無抽筋喎，但係28 – 30km係有啲跌速，好怕係撞牆or會抽筋，到30km我就再食包gel，之後開始又上返力，突然到33km，就同自己講，咁就走到33km了。我要再俾力了，最後2km就岀埋剩返啲力到終點！

整體今次係一個好保貴嘅經驗，輕鬆完賽，整場都無抽筋，又PB 2mins，我覺得重點係賽前教練俾嘅策略，令我無迷惘 & 無唔知要點跑 & 清楚要開幾快等等…

下場目標就係渣打馬拉松，要再PB！

最後要多謝 adidas Speed Squad & Team Solo 團隊，多謝教練團、多謝隊友們…
有好嘅資源、好嘅訓練方式 & 氣氛、係好嘅團隊。

運動