譚玉瑛斷腳療傷近四個月正式回歸 台長程凱欣夥何基佑黃筠兒送香檳蛋糕慶祝

阿譚今天撐住拐杖亮相，雖然行動緩慢，但精神不俗。當看到大家送上兩支香檳及蛋糕，阿譚更是笑逐顏開，而程凱欣則率領眾人和阿譚舉杯，慶祝阿譚正式回歸新城廣播，並祝福阿譚：「最緊要身體健康。」阿譚聞言表示：「收晒，多謝大家！」眾所周知阿譚是愛酒之人，問她受傷期間可有戒口？阿譚稱：「病嘅時候，就算有幾靚嘅紅酒，你都唔想飲，當我想飲時，就覺得好番啲喇！」

事後，阿譚重提受傷過程，她指當時自己心急追車，並於跑上梯級時不慎跌倒，以至左腳受傷，她語重心長表示：「原來一次唔小心帶出嚟嘅後果都好大，大家都要小心啲，唔係自己覺得得就得，好多意外都可以避免。」她又自嘲：「我以為自己仲後生，都唔記得咗自己幾多歲。（醫生話幾時好返？）我年尾仲要做多個小手術，攞番啲幫助骨復元嘅物件出嚟。」

提到休養期間有不少好友前往探望，阿譚直言料不到有這麼多朋友關心自己，就連平時甚少聯絡的友人都專程到醫院探望，令她感到十分窩心；對於梁芷珊登門探訪，以至她的豪宅曝光，阿譚笑言：「唔好當係我屋企。（網民讚你屋企有品味？）淨係得個咁嘅景就講到咁，真係誇張。」

圖文：新城廣播