馬國明工作忙未忘童年志願　貼兒時足球照：仲想出去踢陣波

馬國明向來喜愛踢足球，更是明星足球隊成員之一，今日（24日）他在社交平台貼出多張兒時踢波照片，坦言平日工作繁忙，有時都想出去「踢陣波」，沒有忘記兒時的志願。

馬國明今晚貼出多張童年照片，小時候的他在球場追逐皮球，非常專注，寫道：「細個嗰時好鍾意踢波，都有諗過就算唔係全職球員，至少都可以組隊波同朋友keep住鍛鍊下啩？不過平日顧住拍戲、出席唔同活動，有時喺車上面瞓到唔知個人去咗邊。間唔中拍戲期間，先被個角色提醒返，自己除咗拍戲，仲有其他理想，仲想出去踢陣波，或者學一樣新技能，如果有多一日假，我會好好整理我嘅Bucket List，一有時間就可以Take Action﹗」

馬國明在讀書時，早已經常參與校內足球活動，小時候「我的志願」是做足球員，曾在校隊踢中場，贏得不少獎項，但後來因為母親認為「踢波搵唔到錢」，最終打消做足球員的念頭。

長大後加入娛樂圈做了明星，馬國明卻能夠加入「明星足球隊」繼續追足球夢。明星足球隊資深成員陳百祥曾經說過，因為得知馬國明喜歡踢波，所以是他邀請馬國明加盟，更讚他完全勝任一個半職業足球員，並指年過50歲的馬國明，正是「香港明星足球隊」第二梯隊的接班人人選。